സുസ്ഥിര വികസനത്തിന് അവാര്‍ഡ്: അബുദാബിയുടെ പുരസ്കാരം ലഭിക്കുന്ന ഏക ഇന്ത്യക്കാരനായി യൂസഫലി

അബുദാബി: പ്രമുഖ വ്യവസായി എംഎ യൂസഫലിയ്ക്ക് ഈ വര്‍ഷത്തെ അബുദാബി സസ്റ്റെയിനബിളിറ്റി ലീഡര്‍ പുരസ്കാരം. പുരസ്കാരത്തിന് അര്‍ഹനാകുന്ന യുഎഇ പൗരനല്ലാത്ത ഏക പൗരനാണ് എം എ യൂസഫലി. പരിസ്ഥിതി മന്ത്രാലയത്തിനു കീഴിലുള്ള അബുദാബി സസ്റ്റെയിനബിളിറ്റി ഗ്രൂപ്പാണ് പുരസ്കാരം സമ്മാനിക്കുന്നത്. വിവിധ മേഖലകളിൽ നിന്ന് സുസ്ഥിരവും നൂതനവുമായ പദ്ധതികള്‍ നടപ്പാക്കുന്നവര്‍ക്കാണ് പുരസ്കാരം ലഭിക്കുന്നത്.

Also Read: പ്രവാസികൾക്ക് സമ്പത്ത് വര്‍ധനയ്ക്കായി മികച്ച 5 നിക്ഷേപ പദ്ധതികൾ

സുസ്ഥിരവും നൂതനവുമായ മികച്ച ആശയങ്ങളാണും ഇത്തരം നടപടികളുടെ പ്രയോജനത്തെപ്പറ്റി അവബോധം സൃഷ്ടിക്കുന്നതിനുമാണ് ആവാര്‍ഡ് നല്‍കുന്നത്. അബുദാബി നാഷണൽ ഓയിൽ കമ്പനിയിലെ ഷൈമ അൽ മസ്രോയിയും അവാര്‍ഡിന് അര്‍ഹനായി. അബുദാബി നാഷണൽ എക്സിബിഷൻ കമ്പനി, അബുദാബി പോര്‍ട്ട്, ഡോള്‍ഫിൻ എനര്‍ജി, ബോറോഗ് എന്നീ സ്ഥാപനങ്ങളും മറ്റു മേഖലകളിൽ നിന്ന് അവാര്‍ഡിന് അര്‍ഹരായിട്ടുണ്ട്.

Also Read: 'സച്ചിൻ്റെ വിക്കറ്റെടുത്ത്' കോൺഗ്രസ്; അപ്രതീക്ഷിത തീരുമാനമുണ്ടായത് ഇങ്ങനെ, നടപടിയെടുത്ത് ഗെലോട്ട്

അവാര്‍ഡിന് അര്‍ഹരായ വ്യക്തികളെയും സ്ഥാപനങ്ങളെയും അഭിനന്ദിക്കുന്നതായി അബുദാബി പരിസ്ഥിതി മന്ത്രാലയ ഡയറക്ടര്‍ ജനറൽ ഡോക്ടര്‍ ഷെയ്ഖ് സാലെം അൽ ദാഹരി അറിയിച്ചു. കൊവിഡ് പ്രതിസന്ധിയ്ക്കിടയിലും പരിസ്ഥിതിയുാമായി ബന്ധപ്പെട്ട് ഭാവിയിലുണ്ടാകുന്ന ഏതൊരു പ്രശ്നനവും നേരിടാനും സമ്പദ്‍വ്യവസ്ഥ പുനരുജ്ജീവിപ്പിക്കാനുമുള്ള അവസരമാണ് ഇപ്പോള്‍ ലഭിച്ചിരിക്കുന്നതെന്നും അദ്ദേഹം വ്യക്തമാക്കി.