കുവൈറ്റിലുള്ള നൂറിലേറെ മലയാളി നഴ്സുമാരെ പിരിച്ചു വിട്ടു

കുവൈറ്റ് സിറ്റി : കുവൈറ്റിലെ ഫര്‍വാനിയ ആശുപത്രിയില്‍ ജോലി ചെയ്യുന്ന നൂറിലേറെ മലയാളി നഴ്സുമാരെ കരാര്‍ കമ്പനി അപ്രതീക്ഷിതമായി പിരിച്ചുവിട്ടതായി റിപ്പോര്‍ട്ട്. കമ്പനി അപ്രതീക്ഷിതമായി പിരിച്ചുവിട്ടുവെന്നാരോപിച്ച്‌ ഇന്ത്യന്‍ എംബസിയില്‍ പരാതി ലഭിച്ചത്. ആരോഗ്യമന്ത്രാലയത്തിന് കീഴില്‍ അഞ്ചു വര്‍ഷമായി ജോലി ചെയ്തു വന്നവരെയാണ് അപ്രതീക്ഷിതമായി കൂട്ടത്തോടെ പിരിച്ചുവിട്ടിരിക്കുന്നത്.

കരാര്‍ കാലാവധി കഴിഞ്ഞതിനാല്‍ കമ്ബനിക്കെതിരെ നടപടി സാധ്യമല്ലെന്നാണ് വിവരം. പെട്ടെന്ന് ജോലി നഷ്ടമായത് കനത്ത പ്രതിസന്ധിയിലാക്കി എന്നാണ് നഴ്സുമാരുടെ പരാതിപിരിഞ്ഞു പോകേണ്ടി വരുന്നവരില്‍ ചിലര്‍ കുവൈറ്റില്‍ കുടുംബസമേതം കഴിഞ്ഞു വന്നിരുന്നവരാണ്. കുട്ടികളുടെ തുടര്‍ പഠനത്തിനുള്ള സൗകര്യം തരപ്പെടുത്താനുള്ള സാവകാശം പോലും കിട്ടിയില്ല എന്ന പ്രശ്നവും ചൂണ്ടിക്കാട്ടപ്പെടുന്നു.




English summary: Malayali nurses lose their Job in Kuwait