അഞ്ച് വര്‍ഷത്തിലധികമായി ഓസ്‍ട്രേലിയയിൽ നഴ്സ്, അവധിക്ക് നാട്ടിലെത്തി മടങ്ങുമ്പോൾ വിമാനത്താവളത്തില്‍ വെച്ച് കുഴഞ്ഞു വീണ് മലയാളി യുവാവ് മരിച്ചു

കൊച്ചി: അവധി കഴിഞ്ഞ് നാട്ടിൽ നിന്നും മടങ്ങി പോകുമ്പോൾ ആണ് യുവാവ് വിമാനത്താവളത്തില്‍ വെച്ചുണ്ടായ ഹൃദയാഘാതം മൂലം മരിക്കുന്നത്. ഓസ്‍ട്രേലിയയില്‍ നഴ്സാണ് മരിച്ച യുവാവ്, ഇഞ്ചൂര്‍ പുന്നവേലില്‍ പരേതനായ ജോയ് കുര്യാക്കോസിന്റെയും സ്വപ്‍ന ജോയിയുടെയും മകന്‍ അഭിഷേക് ജോസ് സവിയോ ആണ് മരിച്ചത്. 37 വയസായിരുന്നു. നെടുമ്പാശേരി വിമാനത്താവളത്തില്‍ വെച്ച് ആണ് ഇദ്ദേഹത്തിന് ഹൃദയാഘാതമുണ്ടായത്. ഉടൻ തന്നെ അടിയന്തര ചികിത്സക്കായി ആശുപത്രിയിലേക്ക് മാറ്റി എന്നാൽ അഭിഷേക് മരണപ്പെടുകയായിരുന്നു.

Also Read: മാർബർഗ് വൈറസ് വ്യാപനം: രണ്ട് രാജ്യങ്ങളിലേക്ക് യാത്ര വിലക്കേർപ്പെടുത്തി ഒമാൻ, എന്താണ് ലക്ഷണങ്ങൾ ?

അഞ്ച് വര്‍ഷത്തിലധികമായി അഭിഷേക് ഓസ്‍ട്രേലിയയിലെ ക്യൂന്‍സ്‍ലാന്റിലെ കെയിന്‍സില്‍ നഴ്‍സായി ജോലി ചെയ്യുകയാണ്. ഒരാഴ്ചത്തെ അവധിക്കാണ് അദ്ദേഹം നാട്ടിൽ എത്തിയത്. നാട്ടിൽ നിന്നും തിരിച്ച് ഓസ്‍ട്രേലിയലേക്ക് മടങ്ങി പോകുമ്പോൾ ആണ് അദ്ദേഹം മരിക്കുന്നത്.

നെടുമ്പാശേരി വിമാനത്താവളത്തില്‍ നിന്നും അങ്കമാലി ലിറ്റില്‍ ഫ്ലവര്‍ ആശുപത്രിയിലേക്ക് മാറ്റുന്നതിനിടെ ആണ് മരണം സംഭവിച്ചത്. കെയില്‍സിലെ മലയാളി അസോസിയേഷന്‍ ഭാരവാഹി കൂടിയായിരുന്നു ഇദ്ദേഹം. ഭാര്യ ജോസ്‍ന ക്യൂന്‍സ്‍ലാന്റില്‍ നഴ്സാണ്. ഹെയ്‍സല്‍ (4), ഹെയ്‍ഡന്‍ (1) എന്നിവര്‍ മക്കളാണ്. സംസ്‍കാര ചടങ്ങുകള്‍ ബുധനാഴ്ച ഉച്ചക്ക് ശേഷം ആണ് നടക്കുക.

Read Latest Gulf News and Malayalam News