നെസ്റ്റോ സൂപ്പർകപ്പിന് ഇന്ന് കിക്കോഫ്; പ്രമുഖരായ എട്ട് ടീമുകൾ കൊമ്പുകോർക്കും

ഷാർജ: പ്രവാസി കളിപ്രേമികളെ ആവേശത്തിലാക്കി വീണ്ടും നെസ്റ്റോ സൂപ്പർകപ്പ് ഫുട്ബോൾ ടൂർണ്ണമെന്റിന് വിസിൽ മുഴങ്ങുന്നു. ചരിത്രപ്രസിദ്ധമായ ടൂർണ്ണമെന്റിന്റെ ആറാമത് സീസൺ, 13ന് ഇന്ന് ഷാർജയിലെ അജ്മാൻ-ഉമ്മുൽഖുവൈൻ റോഡിലുള്ള അൽ ഹംരിയ കൾച്ചറൽ ആന്റ് സ്പോർട്സ് ക്ലബ്ബ് സ്റ്റേഡിയത്തിലാണ നടക്കുന്നത്.

വൈകിട്ട് ആറിനാണ് കിക്കോഫ്. കേരള എക്സ്പാക്ട്സ് ഫുട്ബോൾ അസോസിയേഷനു കീഴിലുള്ള പ്രമുഖരായ ഏഴു ടീമുകളെ കൂടാതെ നെസ്റ്റോ ഗ്രൂപ്പിന്റെ ഒഫീഷ്യൽ ടീമായ നെസ്റ്റോ എഫ്.സിയും ടൂർണമെന്റിൽ ബൂട്ട് കെട്ടും. സക്സസ് പോയിന്റ് കോളേജ്, ഓവർസീസ് ലൂബ്രിക്കന്റ്സ്, അബ്രികോ ഫ്രൈറ്റ്, വോൾഗ എഫ്.സി, ഗ്ലോബ് ട്രക്കേഴ്സ്, എസ്സ ഗ്രൂപ്പ്, ഫ്രാൻ ഗൾഫ് അഡ്വക്കേറ്റ്സ് എന്നിവയാണ് മറ്റു പ്രമുഖ ടീമുകൾ.

സ്റ്റേഡിയത്തിലേക്ക് എല്ലാവർക്കും സൗജന്യ പ്രവേശനമാണ് നെസ്റ്റോ ഒരുക്കിയിരിക്കുന്നത്. കൂടാതെ കാണികൾക്ക് നിരവധി വിലയേറിയ സമ്മാനങ്ങൾ സന്തമാക്കാനും റിഫ്രഷ്മെന്റ് സൗകര്യങ്ങളും സ്റ്റേഡിയത്തിൽ ഒരുക്കിയിട്ടുണ്ട്.


Also Read: സൗദിയിലേക്കുള്ള വിസ നടപടികളിലെ മാറ്റം; വിസ ഫെസിലിറ്റേഷൻ സർവീസ് ഓഫീസുകളിൽ നേരിട്ട് ഹാജരാകണമെന്ന വ്യവസ്‌ഥ, യാത്രക്കാരെ പ്രതിസന്ധിയിലാക്കുമെന്ന് റിപ്പോര്‍ട്ട്

കൊടുമ്പ് ഗ്രാമപഞ്ചായത്തില്‍ ശുചീകരണ യജ്ഞം

കൊടുമ്പ് ഗ്രാമപഞ്ചായത്തിലെ ശുചീകരണ പ്രവര്‍ത്തനങ്ങളില്‍ ഊര്‍ജിത പങ്കാളിത്തവുമായി കോളെജ് വിദ്യാര്‍ത്ഥികളും. രണ്ട് ദിവസങ്ങളിലായി നടന്ന ജനകീയ പങ്കാളിത്തത്തോടെയുള്ള ശുചീകരണ പ്രവര്‍ത്തനങ്ങളില്‍ കോളെജ് വിദ്യാര്‍ത്ഥികളും സന്നദ്ധപ്രവര്‍ത്തകരും പങ്കാളികളായി. ആദ്യദിനം കൊടുമ്പ് ഗ്രാമപഞ്ചായത്തിലെ വാര്‍ഡ് അഞ്ചില്‍ ഉള്‍പ്പെട്ട എരട്ടയാല്‍ ബസ് സ്റ്റോപ്പ് മുതല്‍ പോളിടെക്‌നിക്ക് ബസ് സ്റ്റോപ്പ് വരെ പ്രൈം കോളെജ് ഓഫ് ഫാര്‍മസിയിലെ എന്‍.എസ്.എസ് കോ-ഓര്‍ഡിനേറ്റര്‍ ഐശ്വര്യയുടെ നേതൃത്വത്തിലുള്ള 20 വിദ്യാര്‍ത്ഥികള്‍ ശുചീകരണ പ്രവര്‍ത്തനങ്ങള്‍ നടത്തി.

കൊടുമ്പ് ഗ്രാമപഞ്ചായത്ത് പ്രസിഡന്റ് ആര്‍. ധനരാജ് ഉദ്ഘാടനം ചെയ്തു. രണ്ടാംദിനം വാര്‍ഡ് രണ്ടില്‍ ഉള്‍പ്പെട്ട കൂട്ടുപാത ജങ്ഷന്‍ ശ്മശാനം, കൂട്ടുപാത ജങ്ഷന്‍ മുതല്‍ പോളിടെക്‌നിക്ക് കോളെജ് വരെയുള്ള റോഡിന്റെ വശത്തുള്ള മാലിന്യങ്ങള്‍ വാര്‍ഡ് മെമ്പര്‍ എം.എ പ്രവീണയുടെ നേതൃത്വത്തില്‍ ഗവ പോളിടെക്‌നിക് കോളെജിലെ രണ്ട് അധ്യാപകരും 35 വിദ്യാര്‍ത്ഥികളും ചേര്‍ന്ന് നീക്കം ചെയ്തു. ഹരിതകര്‍മ്മസേനാംഗങ്ങള്‍, അങ്കണവാടി പ്രവര്‍ത്തകര്‍, ആശാവര്‍ക്കര്‍മാര്‍, സന്നദ്ധ പ്രവര്‍ത്തകര്‍, തൊഴിലുറപ്പ് തൊഴിലാളികള്‍ എന്നിവരുടെ പങ്കാളിത്തത്തോടെയാണ് ശുചീകരണ പ്രവര്‍ത്തനങ്ങള്‍ നടന്നത്.

Read Latest Gulf News and Malayalam News