ഖത്തറില്‍ തൊഴിലാളികളുടെ ശമ്പളം വൈകി: കമ്പനിക്കു വന്‍തുക പിഴ

ദോഹ: തൊഴിലാളികളുടെ ശമ്പളം വൈകിപ്പിച്ചതിന് തൊഴിലുടമക്ക് അപ്പീല്‍ കോടതി ലക്ഷം റിയാല്‍ പിഴ വിധിച്ചു. തൊഴിലാളികളുടെ അവകാശം സംരക്ഷിച്ചുകൊണ്ടുള്ള പുതിയ തൊഴില്‍ നിയമം ലംഘിക്കുന്നവര്‍ക്കെതിരെ കര്‍ശന നടപടികളാണ് ഖത്തറില്‍ സ്വീകരിക്കുന്നത്. കുടിശിക ഉള്‍പ്പെടെ മുഴുവന്‍ തുകയും എല്ലാ തൊഴിലാളികള്‍ക്കും നല്‍കിയിരിക്കണമെന്നും കോടതി ഉത്തരവിട്ടു.

തൊഴിലാളികള്‍ക്ക് നേരത്തെ കൃത്യമായി ശമ്പളം നല്‍കിയിരുന്ന കമ്പനി കഴിഞ്ഞ കുറേ മാസങ്ങളായി ശമ്പളം വൈകിയാണ് നല്‍കുന്നത്. പബ്ലിക് പ്രോസിക്യൂഷന്‍ നടത്തിയ അന്വേഷണത്തില്‍ തൊഴിലുടമ രാജ്യത്തിന്റെ തൊഴില്‍ നിയമം ലംഘിക്കുന്നതായി വ്യക്തമായതോടെയാണ് നിയമ നപടിയിലേക്ക് നീങ്ങിയത്. തൊഴിലാളികളുടെ പുതിയ വേതന സംരക്ഷണ നിയമ പ്രകാരം ശമ്പളം നിശ്ചിത തീയതിക്കുള്ളില്‍ തൊഴിലാളികളുടെ ബാങ്ക് അക്കൗണ്ടുകളില്‍ നിക്ഷേപിച്ചിരിക്കണം. നിശ്ചിത തീയതിക്ക് ശമ്പളം നല്‍കിയില്ലെങ്കില്‍ ശമ്പള തീയതി മുതല്‍ ഏഴ് ദിവസത്തിനകം ശമ്പളം നല്‍കിയിരിക്കണമെന്നാണ് നിയമം.

New law to punish employers failing to pay salary on time