ദുബായിൽ പാർക്കിംഗ് പരിഷ്കാരങ്ങൾ പ്രാബല്യത്തിൽ
നിലവിൽ ഉണ്ടായിരുന്ന സൗജന്യ പാർക്കിംഗ് നിർത്തലാക്കി
TNN 28 May 2016, 5:53 pm
ദുബായ് : പാർക്കിംഗ് നിരക്കുകളും സമയവും പരിഷ്കരിച്ചുള്ള പുതിയ നിയമം ദുബായിൽ ഇന്നു മുതൽ നിലവിൽ വന്നു. പാർക്കിംഗ് നിരക്കുകളിൽ വലിയ വർധന ഉണ്ടായിട്ടുണ്ട്. രാവിലെ എട്ടു മണി മുതൽ രാത്രി പത്തു മണി വരെ പാർക്കിംഗ് ഫീസ് ഈടാക്കും. നിലവിൽ ഉണ്ടായിരുന്ന സൗജന്യ പാർക്കിംഗ് നിർത്തലാക്കി.
പുതിയ സംവിധാനം അനുസരിച്ച് നാല് പാർക്കിംഗ് മേഖലകൾക്ക് പുറമെ മൂന്നു പ്രത്യേക മേഖലകളുമുണ്ടാകും. A,B,C,D ആണ് നാല് പുതിയ പാർക്കിംഗ് മെഖലകൾ. E,F,G പ്രത്യേക പാർക്കിംഗ് മേഖലകളുമാണ്. വെള്ളിയാഴ്ചകളിലും മറ്റു ഔദ്യോഗിക ഒഴിവു ദിവസങ്ങളിലും ഫീസിന് ഇളവുണ്ടായിരിക്കും.
ബിസിനസ് ബേ നിലകൊള്ളുന്ന സി ,ഡി മേഖലകളിൽ നിരക്കു വർധന ബാധകമാക്കിയിട്ടില്ലെങ്കിലും സമയക്രമം പുതുക്കി നിശ്ചയിച്ചിട്ടുള്ളതായി ആർടിഎ അറിയിച്ചു.