ന്യൂഡൽഹി: ഇന്ത്യൻ പാസ്പോർട്ടുള്ള പ്രവാസികൾക്ക് ഇനി കാത്തിരിപ്പില്ലാതെ ആധാർ ലഭിക്കും. നേരത്തെ ആധാർ ലഭിക്കണമെങ്കിൽ പ്രവാസികൾ 180 ദിവസം കാത്തിരിക്കണമായിരുന്നു. ഇന്ത്യൻ പാസ്പോർട്ട് ഉപയോഗിച്ച് ആധാറിന് അപേക്ഷിക്കാവുന്ന സംവിധാനമാണ് സർക്കാർ ഒരുക്കുന്നത്.
പ്രവാസി ഇന്ത്യക്കാരെ ഉദ്ദേശിച്ചുള്ള ബജറ്റിലെ ഏക പദ്ധതിയാണിത്. രണ്ടാം മോദി മന്ത്രിസഭയിലെ ആദ്യ ബജറ്റാണ് ഇന്ന് ധനമന്ത്രി നിർമലാ സീതാരാമൻ അവതരിപ്പിച്ചത്.
അതേസമയം, ഓരോ സീസണിലും വിമാന കമ്പനികൾ തോന്നിയ രീതിയിൽ ടിക്കറ്റ് ചാർജ് ഈടാക്കുന്ന സാഹചര്യം ഇല്ലാതാക്കാൻ സർക്കാർ ഇടപെടൽ നടത്തേണ്ടതായിരുന്നുവെന്ന് പ്രവാസികൾ പറയുന്നു. ഇത്തവണ നാട്ടിലേക്കുള്ള ടിക്കറ്റ് ബുക്ക് ചെയ്യാൻ ഇരട്ടിയോളം പണം ചെലവഴിക്കേണ്ടിവന്നുവെന്ന് പ്രവാസികൾ പരാതിപ്പെടുന്നു.
പ്രവാസി ഇന്ത്യക്കാരെ ഉദ്ദേശിച്ചുള്ള ബജറ്റിലെ ഏക പദ്ധതിയാണിത്. രണ്ടാം മോദി മന്ത്രിസഭയിലെ ആദ്യ ബജറ്റാണ് ഇന്ന് ധനമന്ത്രി നിർമലാ സീതാരാമൻ അവതരിപ്പിച്ചത്.
അതേസമയം, ഓരോ സീസണിലും വിമാന കമ്പനികൾ തോന്നിയ രീതിയിൽ ടിക്കറ്റ് ചാർജ് ഈടാക്കുന്ന സാഹചര്യം ഇല്ലാതാക്കാൻ സർക്കാർ ഇടപെടൽ നടത്തേണ്ടതായിരുന്നുവെന്ന് പ്രവാസികൾ പറയുന്നു. ഇത്തവണ നാട്ടിലേക്കുള്ള ടിക്കറ്റ് ബുക്ക് ചെയ്യാൻ ഇരട്ടിയോളം പണം ചെലവഴിക്കേണ്ടിവന്നുവെന്ന് പ്രവാസികൾ പരാതിപ്പെടുന്നു.