ഒമാനിൽ ആദ്യ കൊവിഡ് മരണം࿒ മരിച്ചത് 72 കാരനായ പൗരന്‍

ഒമാനില്‍ കൊവിഡ് ബാധിച്ച് ആദ്യം മരണം റിപ്പോര്‍ട്ട് ചെയ്തു. 72 കാരനായ ഒമാന്‍ പൗരനാണ് മരിച്ചത്. ചൊവ്വാഴ്ചയായിരുന്നു ഇദ്ദേഹം മരിച്ചത്. പിന്നീട്, ആരോഗ്യമന്ത്രാലയമാണ് ഇദ്ദേഹം കൊറോണ ബാധയെത്തുടര്‍ന്നാണ് മരിച്ചതെന്ന് വ്യക്തമാക്കിയത്. വാര്‍ത്താ ഏജന്‍സിയാണ് ഇക്കാര്യം റിപ്പോര്‍ട്ട് ചെയ്തത്.

Also Read : ഗൾഫില്‍ കൊറോണ രോഗികളുടെ എണ്ണം കൂടുന്നു; ഒമാനില്‍ സമൂഹവ്യാപനം ഉണ്ടായതായി ആരോഗ്യവിദഗ്ദ്ധർ

ചൊവ്വാഴ്ച ഒമാനില്‍ 13 പുതിയ കൊവിഡ് രോഗബാധയാണ് റിപ്പോര്‍ട്ട് ചെയ്തത്. ഇതോടെ രാജ്യത്തെ കൊറോണ വൈറസ് ബാധിച്ചവരുടെ എണ്ണം 192ല്‍ എത്തി.

കഴിഞ്ഞ ദിവസം കൊവിഡ് റിപ്പോര്‍ട്ട് ചെയ്ത ആദ്യ രോഗി രോഗബാധയില്‍ നിന്നും രക്ഷപെട്ടിരുന്നു. 28കാരനായ യുവാവാണ് ഇത്തരത്തില്‍ രോഗമുക്തി പ്രാപിച്ചത്. ഇതോടെ ആറ് ഗള്‍ഫ് രാജ്യങ്ങളില്‍ നിന്നുള്ള രോഗികളുടെ എണ്ണം നാലായിരത്തില്‍ എത്തി.

കഴിഞ്ഞ ആഴ്ച വൈറസ് പരക്കാതിരിക്കുവാന്‍ കടുത്ത നിയന്ത്രണങ്ങളാണ് വിവിധ ഗൾഫ് രാജ്യങ്ങളില്‍ ഏര്‍പ്പെത്തിയിരിക്കുന്നത്. പൊതു ചടങ്ങുകളും നാണയ വിനിമയ സ്ഥാപനങ്ങളും അടച്ചിരുന്നു. ഇതിന് പുറമെ പ്രസിദ്ധീകരണങ്ങള്‍ക്കും വിലക്ക് ഏര്‍പ്പെടുത്തിയിട്ടുണ്ട്. സര്‍ക്കാര് സ്ഥാപനങ്ങളിലെ ഉദ്യോഗസ്ഥരുടെ എണ്ണം 30 ശതമാനം ആക്കി കുറയ്ക്കുകയും ചെയ്തു.

Also Read : എറണാകുളത്ത് മാത്രം 6 ലക്ഷം പേർ; ഇതര സംസ്ഥാന തൊഴിലാളികൾ കേരളം വിട്ടാൽ!

കഴിഞ്ഞദിവസം ഒമാനിൽ സമൂഹവ്യാപനം സംഭവിച്ചതായി ആരോഗ്യമന്ത്രാലയം സ്ഥിരീകരിച്ചിരുന്നു. വരും ദിവസങ്ങളില്‍ കൂടുതല്‍ ആളുകള്‍ക്ക് വൈറസ് വ്യാപനം ഉണ്ടായേക്കാമെന്നും ആരോഗ്യ വിദഗ്ദ്ധര്‍ മുന്നറിയിപ്പ് നല്‍കുന്നത്. അതിന് പിന്നാലെയാണ് ആദ്യം മരണം റിപ്പോര്‍ട്ട് ചെയ്തിരിക്കുന്നത്.

ക്വാറന്റൈന്‍ നടപടികള്‍ കർശനമായി നടപ്പാക്കണമെന്നും ഇതിന് വീഴ്ച വരുത്തുന്നവര്‍ക്ക് കടുത്ത പിഴ അടക്കമുള്ള ശിക്ഷ നടപ്പിലാക്കണമെന്നും നിര്‍ദ്ദേശിക്കുന്നുണ്ട്. മിക്ക ഗള്‍ഫ് രാജ്യങ്ങളിലും വന്‍ തുകയാണ് ഇത്തരത്തില്‍ പിഴയായി ഈടാക്കുന്നത്.