ഒമാനിൽ നിന്ന് ഡോക്‌ടർമാരെയും പിരിച്ചുവിടുന്നു

മസ്ക്കറ്റ്: ഒമാനിൽ നിന്ന് നഴ്‌സുമാർക്ക് ‌പിന്നാലെ ഡോക്‌ടർമാരെയും പിരിച്ചുവിടാൻ ആരോഗ്യ മന്ത്രാലയം നടപടി തുടങ്ങിയതായി സൂചന. ദന്ത ഡോക്‌ടർമാരെയാണ് ആദ്യ ഘട്ടത്തിൽ ഒഴിവാക്കുന്നു. പല മലയാളി ഡോക്‌ടർമാരും പിരിച്ചുവിടുന്നത് മുന്നിൽകണ്ട് രാജിവെച്ച് നാട്ടിലേക്ക് മടങ്ങിത്തുടങ്ങിയിട്ടുണ്ട്.

ഒമാനിൽ നിതാഖാത് നടപ്പാക്കുന്നതിന്റെ ഭാഗമായി വിദേശികളായ ദന്ത ഡോക്ടര്‍മാരെ പൂര്‍ണമായി ഒഴിവാക്കാനാണ് ഒമാന്‍ ആരോഗ്യ മന്ത്രാലയം നടപടി തുടങ്ങിയിരിക്കുന്നത്.

അതേസമയം രാജ്യത്ത് ‌നിന്ന് കൂടുതൽ വിദേശി നഴ്‌സുമാരെ പിരിച്ചുവിടാനുള്ള നടപടി ആരംഭിച്ചു. ഇതിനായി 250-ലേറെ പേരടങ്ങുന്ന രണ്ടാം പട്ടിക തയ്യാറായാതായി സൂചനയുണ്ട്. ആദ്യഘട്ടത്തിൽ 300-ലേറെ പേർക്ക് പിരിച്ചുവിടൽ നോട്ടീസ് നൽകിയിരുന്നു.