അബുദാബിയില്‍ ഇനി മുതല്‍ വാഹനങ്ങള്‍ക്ക് സൗജന്യ പാര്‍ക്കിംഗ് ഇല്ല. പുതിയ നിയമം ഉടന്‍ നിലവില്‍ വരും
Samayam Malayalam4 Jul 2018, 7:43 pm
അബുദാബി : അബുദാബിയില്‍ ഇനി മുതല്‍ വാഹനങ്ങള്‍ക്ക് സൗജന്യ പാര്‍ക്കിംഗ് ഇല്ല. പുതിയ നിയമം ഉടന്‍ നിലവില്‍ വരും. ഓഗസ്റ്റ് മാസം പതിനെട്ടോടെ അബുദാബിയിലെ മുഴുവന്‍ പാര്‍ക്കിങ് നിരക്കുകളും നിലവില്‍ വരുമെന്നാണ് റിപ്പോര്‍ട്ടുകള്‍.
Samayam Malayalamസൗജന്യ പാര്‍ക്കിംഗ് ഇല്ല
സുഗമമായ ഗതാഗതം സാധ്യമാക്കുന്നതിനും അനാശ്യാസകരമായ പാര്‍ക്കിങ് രീതികള്‍ ഒഴിവാക്കുന്നതിനും ലക്ഷ്യമിട്ടാണ് ഈ നടപടിയെന്നും വാഹന ഉടമകള്‍ വീടുകള്‍ക്ക് മുന്നില്‍ പാര്‍ക്ക് ചെയ്യുന്നതിന് റെസിഡന്‍ഷ്യല്‍ പാര്‍ക്കിംഗ് പെര്‍മിറ്റുകള്‍ സ്വന്തമാക്കണമെന്നും അധികൃതര്‍ നിര്‍ദേശിച്ചു. താമസകേന്ദ്രങ്ങള്‍, താമസകേന്ദ്രമല്ലാത്ത ഭാഗങ്ങള്‍ എന്നിങ്ങനെ അബുദാബിയെ രണ്ടായി തരംതിരിച്ചാണ് പാര്‍ക്കിങ് സംവിധാനം ശക്തമാക്കുന്നത്.
താമസ കേന്ദ്രങ്ങളിലെ പാര്‍ക്കിങ്ങുകളില്‍ രാത്രി ഒന്‍പത് മണി മുതല്‍ രാവിലെ എട്ട് മണിവരെ റെസിഡന്‍റ്‌സ് പാര്‍ക്കിംഗ് ഇല്ലാത്തവര്‍ക്ക് വാഹനം നിര്‍ത്തിയിടാന്‍ അനുവാദമില്ല. കുറഞ്ഞ നിരക്കും കൂടിയ നിരക്കും ചുമത്തി പാര്‍ക്കിംഗുകൾ സ്റ്റാന്‍ഡേര്‍ഡ്, പ്രീമിയം എന്നിങ്ങനെയും തരം തിരിച്ചിട്ടുണ്ട്. സ്റ്റാന്‍ഡേര്‍ഡ് പാര്‍ക്കിങ്ങിന് മണിക്കൂറിന് രണ്ട് ദിര്‍ഹവും പ്രീമിയം പാര്‍ക്കിങ്ങിന് മൂന്ന് ദിര്‍ഹവുമാണ് നിരക്ക്. പ്രവാസികള്‍ക്ക് പരമാവധി രണ്ട് പാര്‍ക്കിങ് പെര്‍മിറ്റുകളാണ് ലഭിക്കുക. ആദ്യ പെര്‍മിറ്റിന് 800 ദിര്‍ഹവും രണ്ടാമത്തേതിന് 1200 ദിര്‍ഹവും ഫീസ് നല്‍കണം. സ്വദേശികള്‍ താമസിക്കുന്ന വില്ലക്ക് സമീപം സൗജന്യമായി പാര്‍ക്ക് ചെയ്യാം. അപാര്‍ട്മെന്റുകളില്‍ താമസിക്കുന്ന സ്വദേശികള്‍ക്ക് നാല് പെര്‍മിറ്റുകള്‍ സൗജന്യമായി ലഭിക്കും. വില്ലകളില്‍ താമസിക്കുന്ന സ്വദേശികള്‍ക്ക് പാര്‍ക്കിംഗ് പെര്‍മിറ്റിന്റെ ആവശ്യമില്ല.
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.
