ഫ്രീക്ക് ലുക്കില്‍ ഖത്തര്‍ അമീറും സൗദി കിരീടാവകാശിയും; ഫോട്ടോ വൈറല്‍

കട്ട ഫ്രീക്ക് ലുക്കില്‍ നില്‍ക്കുന്ന സൗദി, ഖത്തർ, യുഎഇ, നേതാക്കളുടെ ചിത്രങ്ങള്‍ ആണ് ഇപ്പോള്‍ സോഷ്യല്‍ മീഡിയയില്‍ വൈറലായിരിക്കുന്നത്. ഔദ്യോഗിക പരിവേഷങ്ങള്‍ ഒന്നും ഇല്ലാതെയാണ് ഇവര്‍ നില്‍ക്കുന്നത്. ഖത്തര്‍ അമീര്‍ ശൈഖ് തമീം ബിന്‍ ഹമദ് അല്‍ഥാനി, യുഎഇ ദേശീയ സുരക്ഷ ഉപദേഷ്ടാവ് ഷെയ്ഖ് തഹ്നൂൻ ബിൻ സായിദ് ആൽ നഹ്യാന്‍, സൗദി കിരീടാവകാശിയും ഉപപ്രധാനമന്ത്രിയും പ്രതിരോധ മന്ത്രിയുമായ അമീർ മുഹമ്മദ് ബിന്‍ സല്‍മാന്‍ എന്നിവര്‍ ആണ് കഴിഞ്ഞ ദിവസം സൗദിയിലെ ചെങ്കടൽ തീരത്ത് കൂടിക്കാഴ്ച നടത്തിയത്.


ഇവരുടെ ചിത്രങ്ങള്‍ സോഷ്യല്‍ മീഡിയയില്‍ വൈറലായി കൊണ്ടിരിക്കുകയാണ്. ക്യാഷ്വൽ ലുക്കില്‍ ആണ് മൂന്ന് പേരും ഉള്ളത്. ഷോര്‍ട്ടും ടീ ഷര്‍ട്ടും ധരിച്ചാണ് ഇവര്‍ നില്‍ക്കുന്നത്. യുഎഇ ദേശീയ സുരക്ഷ ഉപദേഷ്ടാവ് ഷെയ്ഖ് തഹ്നൂൻ ബിൻ സായിദ് ആൽ നഹ്യാന്‍ ചെത്ത് കൂളിങ് ഗ്ലാസ് വെച്ച് നില്‍ക്കുന്നതാണ് ചിത്രത്തില്‍ കാണുന്നത്. സൗദി കിരീടാവകാശിയുടെ സ്വകാര്യ ഓഫീസ് മേധാവിയും മിസ്ക് ഫൗണ്ടേഷൻ ബോർഡ് മെമ്പറുമായ ബദർ അല്‍ അസാകിറാണ് ഫോട്ടോ ട്വീറ്ററിൽ പോസ്റ്റ് ചെയ്തത്.

Also Read: കുവൈറ്റ്: താലിബാനില്‍ ചേരുമെന്ന ഭീഷണിയുമായി വീടുവിട്ടിറങ്ങിയ പാക് പെണ്‍കുട്ടി അറസ്റ്റില്‍
സൗദി അറേബ്യ നീണ്ട വര്‍ഷങ്ങള്‍ക്ക് ശേഷം ആണ് ഖത്തറുമായുള്ള പിണക്കങ്ങള്‍ മറന്ന് ഒന്നിക്കാനുള്ള തീരുമാനത്തില്‍ എത്തിയത്. കഴിഞ്ഞ വർഷത്തെ അൽ ഉല ജിസിസി ഉച്ചകോടിക്ക് ശേഷം ആണ് ഖത്തര്‍ അമീര്‍ സൗദിയിലെത്തുന്നത്.