ക്യാപ്പിറ്റോളിൽ ദേശീയ പതാക ഉയർത്തിയ സംഭവം; പ്രവാസി മലയാളിക്കെതിരെ ഡൽഹിയിൽ കേസ്

വാഷിങ്ടണ്‍: അമേരിക്കയിൽ ക്യാപിറ്റോൾ പ്രക്ഷോഭത്തിനിടെ ഇന്ത്യൻ ദേശീയ പതാക ഉയര്‍ത്തിയ സംഭവത്തിൽ പ്രവാസി മലയാളിക്കെതിരെ കേസ്. കൽകജി പോലീസ് സ്റ്റേഷനിലാണ് വൈറ്റില ചമ്പക്കര സ്വദേശി വിന്‍സന്റ് പാലത്തിങ്കലിനെതിരെ കേസെടുത്തിരിക്കുന്നത്.

Also Read : ക്യാപിറ്റോൾ പ്രക്ഷോഭത്തിൽ ഇന്ത്യൻ പതാകയേന്തിയത് മലയാളി

ആക്രമിക്കുന്നതിനല്ല മാന്യമായ സമരത്തിനാണ് താൻ അവിടേക്ക് പോയതെന്ന് വിന്‍സന്റ് ഇന്നലെ മാധ്യമങ്ങളോട് പ്രതികരിച്ചിരുന്നു. തങ്ങളെ അക്രമികളായി മുദ്ര കുത്തരുതെന്ന് മാധ്യമത്തോട് പ്രതികരിച്ചു.

Also Read : യുഎസ് ക്യാപിറ്റോൾ കലാപം; ട്രംപ് അനുകൂലികളുടെ കൈയ്യിൽ ഇന്ത്യൻ പതാകയും

കഴിഞ്ഞ ദിവസം നടന്ന പ്രതിഷേധത്തിൽ പത്ത് ലക്ഷത്തോളം ആളുകളാണ് പങ്കെടുത്തത് എന്നും. നുഴഞ്ഞുകയറിയ അമ്പതോളം ആളുകളാണ് പ്രശ്നമുണ്ടാക്കിയത് ഡെമോക്രാറ്റ് തീവ്ര ഇടതു പക്ഷമായ ആന്റിഫയിലെ അംഗങ്ങളാണ് പ്രശ്നങ്ങള്‍ ഉണ്ടാക്കിയതെന്നും വിൻസന്റ് ആരോപിക്കുന്നു.

പ്രക്ഷോഭത്തിനിടെ വിവിധ രാജ്യക്കാര്‍ സ്വന്തം ദേശീയ പതാകയുമായി എത്താറുണ്ടെന്നും. ഇത്തരത്തിലാണ് ഇന്ത്യൻ പതാകയുമായി പ്രതിഷേധിക്കുവാന്‍ എത്തിയത് എന്നും ഇന്നലെ അദ്ദേഹം മാധ്യമങ്ങളോട് പ്രതികരിച്ചിരുന്നു.

Also Read : മഹാരാഷ്ട്രയിൽ ആശുപത്രിയിൽ വൻ അഗ്നിബാധ; പത്ത് കുട്ടികള്‍ വെന്ത് മരിച്ചു

വംശീയ വാദികളാണ് പ്രതിഷേധത്തിന് പിന്നിലെന്ന പ്രചരണത്തിന്റെ മുനയൊടിക്കാനാണ് ദേശീയ പതാകയുമായി പോയതെന്നും വിൻസന്റ് പറഞ്ഞു. ഇതിന് പിന്നാലെയാണ് പ്രതികരണമുണ്ടായത്.

ബിജെപി യുവനേതാവ് വരുണ്‍ ഗാന്ധി വീഡിയോ ട്വിറ്ററിൽ റീട്വീറ്റ് ചെയ്തിരുന്നു. എന്തിനാണ് അവിടുയൊരു ഇന്ത്യൻ പതാക ഉയർന്നിരിക്കുന്നത്. നമുക്ക് തീര്‍ച്ചയായും പങ്കെടുക്കേണ്ട ആവശ്യമില്ലാത്ത ഒരു പോരാട്ടമാണത്. എന്നായിരുന്നു അദ്ദേഹത്തിന്റെ ട്വീറ്റ്. ഇന്ത്യൻ പതാകയും കണ്ടെത്തിയത് ഇന്ത്യൻ മാധ്യമങ്ങളില്‍ വലിയ വാര്‍ത്തയായിരുന്നു.