പ്രധാനമന്ത്രി നരേന്ദ്ര മോദി ഇന്ന് അബുദാബിയിൽ; നാളെ ബഹ്റൈനിൽ

ദുബായ്: രണ്ടാം തവണയും പ്രധാനമന്ത്രിയായ ശേഷം നരേന്ദ്ര മോദിയുടെ ഗൾഫ് പര്യടനത്തിന് വെള്ളിയാഴ്ച തുടക്കമാകും. ദേശീയ സുരക്ഷാ ഉപദേഷ്ടാവ് അജിത് ഡോവലും പ്രധാനമന്ത്രിക്കൊപ്പമുണ്ട്. വെള്ളിയാഴ്ച രാത്രി 9.45നാണ് മോദി അബുദാബിയിലെത്തുക.

തുഷാർ ചതിച്ചു; തന്നെ സഹായിക്കാൻ ആരും ഉണ്ടായിരുന്നില്ല: നാസിൽ അബ്ദുല്ല

പ്രധാനമന്ത്രിയുടെ യുഎഇയിലെ പ്രധാന പരിപാടികൾ ശനിയാഴ്ചയാണ് നടക്കുക. യുഎഇ ഭരണാധികാരികളുമായി നരേന്ദ്ര മോദി ചർച്ച നടത്തും. ഹോട്ടൽ എമിറേറ്റ് പാലസിൽ ശനിയാഴ്ച രാവിലെ നടക്കുന്ന പരിപാടിയിൽ റു പേ കാർഡിന്റെ ഉദ്ഘാടനം പ്രധാനമന്ത്രി നിർവ്വഹിക്കും.

ഒമാനിൽ മലയാളിയുടെ ഷോപ്പിങ് സെന്റർ കത്തിനശിച്ചു

ഉച്ചയ്ക്ക് പന്ത്രണ്ട് മണിക്ക് അബുദാബിയിലെ പ്രസിഡൻഷ്യൽ പാലസിൽ നടക്കുന്ന പ്രത്യേക പരിപാടിയിൽ യുഎഇയുടെ പരമോന്നത ബഹുമതിയായ സായിദ് പുരസ്കാരം നരേന്ദ്ര മോദി ഏറ്റുവാങ്ങും. അബുദാബി കിരീടാവകാശിയും യുഎഇ സായുധ സേനയുടെ ഉപ സൈന്യാധിപനുമായ ശൈഖ് മുഹമ്മദ് ബിൻ സായിദ് അടക്കമുള്ളവർ പരിപാടിയിൽ സംബന്ധിക്കും. ഗാന്ധിജിയുടെ 150-ാം ജന്മവാർഷികത്തോടനുബന്ധിച്ചുള്ള സ്റ്റാമ്പ് നരേന്ദ്ര മോദിയും ശൈഖ് മുഹമ്മദും ചേർന്ന് പുറത്തിറക്കും. തുടർന്ന് വിരുന്നിൽ പങ്കെടുത്ത ശേഷം മോദി ബഹ്റൈനിലേക്ക് തിരിക്കും.

ദേശീയ ദിനം; സൗദിയിൽ നാല് ദിവസത്തെ അവധി പ്രഖ്യാപിച്ചു

ശനിയാഴ്ച വൈകിട്ട് ഏഴിന് നരേന്ദ്ര മോദി ഇന്ത്യൻ സമൂഹത്തെ അഭിസംബോധന ചെയ്യും. രാത്രി ബഹ്റൈൻ പ്രധാനമന്ത്രി ഒരുക്കുന്ന വിരുന്നിൽ മോദി പങ്കെടുക്കും. ഞായറാഴ്ച കാലത്ത് മനാമയിലെ ശ്രീകൃഷ്ണ ക്ഷേത്രത്തിന്റെ നവീകരണ പരിപാടി മോദി ഉദ്ഘാടനം ചെയ്യും. തുടർന്ന് ബഹ്റൈൻ ഭരണാധികാരിയുമായി കൂടിക്കാഴ്ച. വൈകിട്ട് ഫ്രാൻസിലേക്ക് തിരിക്കും. ജി-7 ഉച്ചകോടിയിൽ പങ്കെടുക്കുകയാണ് ലക്ഷ്യം.