യുഎഇയിൽ സ്വകാര്യ മേഖലയ്ക്ക് നബിദിന അവധി പ്രഖ്യാപിച്ചു

ദുബായ് : യുഎഇയിൽ എല്ലാ സ്വകാര്യ മേഖല ജീവനക്കാർക്കുമുള്ള നബിദിന അവധി പ്രഖ്യാപിച്ചു. ഒക്ടോബർ 29 വ്യാഴാഴ്ചയാണ് അവധി. മാനവ വിഭവശേഷി, എമിറൈസേഷൻ മന്ത്രാലയമാണ് അവധി പ്രഖ്യാപിച്ചതെന്ന് ഗൾഫ് ന്യൂസാണ് റിപ്പോർട്ട് ചെയ്തത്.

നബിദിന അവധി വ്യാഴാഴ്ച ലഭിച്ചതോടെ ശനിയാഴ്ച അവധിയിലുള്ള സ്വകാര്യമേഖലയിലെ ജീവനക്കാർക്ക് തുടർച്ചയായി മൂന്ന് ദിവസമാണ് അവധി ലഭിക്കുക. നവംബർ ഒന്നിനായിരിക്കും ഇവർക്ക് പ്രവൃത്തിദിവസം പുനരാരംഭിക്കുക.


Also Read : പ്രാദേശിക സമ്പദ് ഘടനയെ പിടിച്ചു നിര്‍ത്തുന്നതിന് 500 ദശലക്ഷം ദിര്‍ഹത്തിന്റെ സഹായവുമായി ദുബായ്

നേരത്തെ ഒക്ടോബർ 21ന് സർക്കാർ ജീവനക്കാർക്കുള്ള നബിദിന അവധിയും പ്രഖ്യാപിച്ചിരുന്നു. ഒക്ടോബർ 29ന് തന്നൊയാണ് ഇവർക്കും അവധി. വാരാന്ത്യാവധി ദിനങ്ങൾകൂടി ചേരുമ്പോൾ മൂന്ന് ദിവസമാകും സർക്കാർ ജീവനക്കാർക്ക് അവധിലഭിക്കുകയെന്ന് ഫെഡറൽ അതോറിറ്റി ഫോർ ഗവൺമെന്റ് ഹ്യൂമൻ റിസോഴ്‌സസായിരുന്നു വ്യക്തമാക്കിയത്.

Also Read : 'ശുഭാപ്തി വിശ്വാസം'; നിമിഷ പ്രിയയെ സന്ദര്‍ശിച്ച് ഇന്ത്യൻ എംബസി ഉദ്യോഗസ്ഥര്‍

ഒമാനിലും ഒക്ടോബര്‍ 29 വ്യാഴാഴ്ചയാണ് നബിദിനത്തോടനുബന്ധിച്ച് ഔദ്യോഗിക അവധി പ്രഖ്യാപിച്ചിരിക്കുന്നത്. കുവൈത്തിലും സര്‍ക്കാര്‍ പൊതുമേഖലാ സ്ഥാപനങ്ങള്‍ക്ക് ഒക്ടോബര്‍ 29 വ്യാഴാഴ്ചയാണ് അവധി പ്രഖ്യാപിച്ചിട്ടുള്ളത്. അറബി മാസം റബീഉല്‍ അവ്വല്‍ 12നാണ് നബിദിനം.

Also Read : ഓണം, വിനായക ചതുർഥി, തബ്‍ലീഗ് വിടാതെ പിടി മുറുക്കിയ കൊവിഡ്; ദസറ-വിജയദശമിയിലും രോഗവ്യാപനം തുടരുമോ? ആശങ്ക