സഹായ ഹസ്തവുമായി ഖത്തറും

ഖത്തര്‍: പ്രളയക്കെടുതി നേരിടുന്ന കേരളത്തിന് ലോകമെമ്പാടുമുള്ള ആളുകള്‍ ഒരേ മനസോടെയാണ് സഹായങ്ങള്‍ എത്തിക്കുന്നത്. പ്രളയത്തില്‍ അകപ്പെവരുടെ പുനരധിവാസത്തിനായി 35 കോടി രൂപ ഖത്തര്‍ ഭരണകൂടം നല്‍കും. ഖത്തര്‍ തലവന്‍ അമീര്‍ ശൈഖ് തമീം ബിന്‍ ഹമദ് അല്‍താനിയാണ് ഇക്കാര്യം ഒൗദ്യോഗികമായി അറിയിച്ചത്. കേരളത്തിന്‍റെ അവസ്ഥയില്‍ ദുഖം രേഖപ്പെടുത്തിക്കൊണ്ട് രാഷ്ട്രപതി രാംനാഥ് കോവിന്ദിന് അദ്ദേഹം സന്ദേശം അയച്ചിരുന്നു.

ദുരിതാശ്വാസ പ്രവര്‍ത്തനങ്ങള്‍ക്കും പുനരധിവാസാത്തിനും ഖത്തര്‍ ചാരിറ്റി വലിയൊരു തുക നീക്കിവെച്ചിട്ടുണ്ടെന്ന് ഇന്ത്യയിലെ പ്രതിനിധികളെ അറിയിച്ചിട്ടുണ്ടായിരുന്നു.

പ്രളയത്തില്‍ മരിച്ചവരുടെ ബന്ധുക്കളെ അനുശോചനം അറിയിച്ചുകൊണ്ട് ഖത്തര്‍ പ്രധാനമന്ത്രി ശൈഖ് അബ്ദുള്ള ബിന്‍ നാസര്‍ ബിന്‍ ഖലീഫ അല്‍ താനി നരേന്ദ്രമോദിക്കും സന്ദേശം അയച്ചിരുന്നു.