മലയാളിയടക്കം 7 പേര്‍ ദുബായില്‍ അപകടത്തില്‍ മരിച്ചു

ദുബായ്: ദുബായിലെ എമിറേറ്റ്‍സ് റോഡില്‍ അല്‍മക്തും വിമാനത്താവളത്തിന് പിന്നിലായി ഉണ്ടായ അപകടത്തില്‍ ഒരു മലയാളി ഉള്‍പ്പടെ ഏഴ് പേര്‍ മരിച്ചു. പതിമൂന്ന് പേര്‍ക്ക് പരിക്കേറ്റു. എറണാകുളം പിറവം സ്വദേശി എബിനാണ് മരിച്ച മലയാളി.

അബുദാബിയിലേക്ക് പോവുകയായിരുന്ന മിനിബസ് ട്രക്കുമായി കൂട്ടിയിടിച്ചായിരുന്നു അപകടം. ദുബായിലെ ഒരു കമ്പനിയിലെ ഇരുപതോളം ജീവനക്കാരാണ് ബസില്‍ ഉണ്ടായിരുന്നത്.ഏഴ് പേര്‍ അപകടസ്ഥലത്ത് തന്നെ മരിച്ചു. പരിക്കേറ്റവരെ ആശുപത്രികളിലേക്ക് മാറ്റി. നിരോധിത സ്ഥലത്ത് നിര്‍ത്തിയിട്ടിരുന്ന ട്രക്കാണ് അപകടകാരണം എന്ന് പൊലീസ് പറഞ്ഞു.