കപ്പലില്‍ വെച്ച് ഗുരുതരാവസ്ഥയിലായി; ഇന്ത്യക്കാരനെ ഹെലികോപ്റ്റര്‍ മാര്‍ഗം ആശുപത്രിയിലേക്ക് മാറ്റി

മസ്‌കറ്റ്: ഒമാന്‍ തീരത്ത് കപ്പലില്‍ വെച്ച് ആരോഗ്യ സ്ഥിതി മോശമായതിനെ തുടര്‍ന്ന് ഇന്ത്യക്കാരനെ ഒമാനിലെ ആശുപത്രിയിലേക്ക് മാറ്റി. ഹെലികോപ്റ്റര്‍ മാര്‍ഗമാണ് ഇന്ത്യക്കാരനെ ആശുപത്രിയിലേക്ക് മാറ്റിയത്. കപ്പലില്‍ നിന്നുള്ള അഭ്യര്‍ഥന പ്രകാരം ഒമാന്‍ റോയല്‍ എയര്‍ഫോഴ്‌സാണ് ഇന്ത്യക്കാരനെ കരയിലെത്തിക്കുന്നതിനുള്ള നടപടി സ്വീകരിച്ചത്.

Also Read: യുഎഇയില്‍ സ്ത്രീകളെ അപമാനിച്ചാല്‍ കടുത്ത ശിക്ഷ; രണ്ടു ലക്ഷം രൂപ പിഴയും ഒരു വര്‍ഷം തടവും

ഒമാനിലെ ദോഫാര്‍ തുറമുഖം വഴി കടന്നുപോകുകയായിരുന്ന വാണിജ്യ കപ്പലിലെ ജീവനക്കാരനാണ് ഇയാള്‍. ആരോഗ്യനില മോശമായതിനെ തുടര്‍ന്ന്, അദ്ദേഹത്തെ അടിയന്തരമായി ആശുപത്രിയിലേക്ക് മാറ്റുകയായിരുന്നു. നിലവില്‍ ദോഫാര്‍ റോയല്‍ ആശുപത്രിയില്‍ ചികിത്സയിലാണ് അദ്ദേഹമെന്ന് റോയല്‍ ഒമാന്‍ എയര്‍ഫോഴ്‌സ് പുറത്തിറക്കിയ പ്രസ്താവനയില്‍ പറയുന്നു.