ദുബായ്: യുഎഇ വൈസ് പ്രസിഡന്റും പ്രധാനമന്ത്രിയും ദുബായ് ഭരണാധികാരിയുമായ ശൈഖ് മുഹമ്മദ് ബിൻ റാഷിദ് അൽ മക്തൂമിന് പേരക്കുട്ടികൾ ജന്മദിനാശംസകൾ നേരുന്ന ദൃശ്യങ്ങൾ വൈറൽ. കുട്ടികൾ ശൈഖ് മുഹമ്മദിന് ജന്മദിനാശംസകൾ നേരുന്നതിന്റെ വീഡിയോ അദ്ദേഹത്തിന്റെ മകനും കിരീടാവകാശിയും എക്സിക്യൂട്ടീവ് കൌൺസിൽ ചെയർമാനുമായ ശൈഖ് ഹംദാൻ ബിൻ മുഹമ്മദ് ബിൻ റാഷിദ് അൽ മക്തൂം ഇൻസ്റ്റഗ്രാമിലാണ് പങ്കുവെച്ചത്.
തിങ്കളാഴ്ചയായിരുന്നു ശൈഖ് മുഹമ്മദിന്റെ എഴുപതാം ജന്മദിനം. വാഹനത്തിൽ വന്നിറങ്ങുന്ന ശൈഖിനെ പെൺകുട്ടികളും ആൺകുട്ടികളും അടങ്ങുന്ന കുരുന്നുകളുടെ സംഘം സ്നേഹത്തോടെ വരവേൽക്കുന്നതാണ് ദൃശ്യം. ശൈഖ് ഹംദാന്റെ കൈയിലിരിക്കുന്ന കുഞ്ഞിനെ ശൈഖ് മുഹമ്മദ് ലാളിക്കുന്നതും വീഡിയോയിലുണ്ട്.
1949 ജുലൈ 15നാണ് ശൈഖ് മുഹമ്മദ് ജനിച്ചത്. അൽ ഷിൻഡാഗയിലെ അൽ മക്തൂ വീട്ടിലായിരുന്നു അദ്ദേഹത്തിന്റെ ജനനം. ശൈഖ് റാഷിദ് ബിൻ അയീദ് അൽ മക്തൂമിന്റെ മൂന്നാമത്തെ മകനായിരുന്നു അദ്ദേഹം. ശൈഖ് മക്തൂം, ശൈഖ് ഹംദാൻ, ശൈഖ് അഹമ്മദ് എന്നിവർ അദ്ദേഹത്തിന്റെ സഹോദരങ്ങളാണ്. അബുദാബിയിലെ മുൻ ഭരണാധികാരി ശൈഖ് ഹംദാൻ ബിൻ സായിദ് ബിൻ ഖലീഫ അൽ നഹ്യാന്റെ മകളായ ശൈഖ ലത്തീഫ ബിന്ത് അഹമ്മദ് അൽ നഹ്യാനാണ് മാതാവ്.
തിങ്കളാഴ്ചയായിരുന്നു ശൈഖ് മുഹമ്മദിന്റെ എഴുപതാം ജന്മദിനം. വാഹനത്തിൽ വന്നിറങ്ങുന്ന ശൈഖിനെ പെൺകുട്ടികളും ആൺകുട്ടികളും അടങ്ങുന്ന കുരുന്നുകളുടെ സംഘം സ്നേഹത്തോടെ വരവേൽക്കുന്നതാണ് ദൃശ്യം. ശൈഖ് ഹംദാന്റെ കൈയിലിരിക്കുന്ന കുഞ്ഞിനെ ശൈഖ് മുഹമ്മദ് ലാളിക്കുന്നതും വീഡിയോയിലുണ്ട്.
1949 ജുലൈ 15നാണ് ശൈഖ് മുഹമ്മദ് ജനിച്ചത്. അൽ ഷിൻഡാഗയിലെ അൽ മക്തൂ വീട്ടിലായിരുന്നു അദ്ദേഹത്തിന്റെ ജനനം. ശൈഖ് റാഷിദ് ബിൻ അയീദ് അൽ മക്തൂമിന്റെ മൂന്നാമത്തെ മകനായിരുന്നു അദ്ദേഹം. ശൈഖ് മക്തൂം, ശൈഖ് ഹംദാൻ, ശൈഖ് അഹമ്മദ് എന്നിവർ അദ്ദേഹത്തിന്റെ സഹോദരങ്ങളാണ്. അബുദാബിയിലെ മുൻ ഭരണാധികാരി ശൈഖ് ഹംദാൻ ബിൻ സായിദ് ബിൻ ഖലീഫ അൽ നഹ്യാന്റെ മകളായ ശൈഖ ലത്തീഫ ബിന്ത് അഹമ്മദ് അൽ നഹ്യാനാണ് മാതാവ്.