എസ് സിത്താരയുടെ ഭര്‍ത്താവ് ദുബായില്‍ അന്തരിച്ചു

ദുബായ്: ചെറുകഥാകൃത്തും കേരള സാഹിത്യ അക്കാദമി അവാര്‍ഡ് ജേതാവുമായ എസ്. സിതാരയുടെ ഭര്‍ത്താവ് ഒ .വി. അബ്ദുള്‍ ഫഹീം അന്തരിച്ചു. 52 വയസായിരുന്നു. കണ്ണൂർ തലശ്ശേരി സ്വദേശി. ദുബായ് അല്‍മറായ് കമ്പനിയില്‍ സെയില്‍സ് മാനേജരായി ജോലി ചെയ്തുവരികയായിരുന്നു ഫഹീം. 15 വര്‍ഷത്തോളം ജിദ്ദയില്‍ സ്വകാര്യ കമ്പനിയില്‍ സെയില്‍സ് മാനേജര്‍ ആയിരുന്നു. പിന്നീട് ഇവിടെ നിന്നാണ് ദുബായിലേക്ക് പോയത്.

Also Read: യുഎഇ വിദ്യാഭ്യാസ മേഖലയില്‍ എഐയും ചാറ്റ്ജിപിടിയും; അധ്യാപകരുടെ പണി പോകുമോ? വിദഗ്ധര്‍ പറയുന്നത്

എസ്. സിതാരയും മക്കളും ദുബായിൽ ഇദ്ദേഹത്തിന്റെ കൂടെയുണ്ട്. 10 ദിവസങ്ങള്‍ക്ക് മുമ്പാണ് ഇവർ ദുബായിൽ എത്തിയത്. രണ്ട് ദിവസത്തിന് ശേഷം ഇവർ നാട്ടിലേക്ക് മടങ്ങാൻ ഇരിക്കുകയായിരുന്നു. അതിന്റെ ഇടയിൽ ആണ് ഫഹീമിന്റെ മരണം. പിതാവ്: ബാറയില്‍ അബൂട്ടി, മാതാവ്: ഓ.വി. സാബിറ, മക്കള്‍: ഗസല്‍, ഐദിന്‍, സഹോദരങ്ങള്‍: ഫര്‍സീന്‍, ഫൈജാസ്, ഖദീജ.

Also Read: രണ്ടു പിഞ്ചു മക്കളുടെ പിതാവായ ചെറുപ്പക്കാരന്‍ ആണ് യാത്രയായത്, ആഹിറം അല്ലാഹു അനുഗ്രഹീതമാക്കട്ടെ; ഷാർജയിൽ കൊല്ലപ്പെട്ട ഹക്കീമിനെക്കുറിച്ച് സാമൂഹ്യപ്രവർത്തകൻ അഷറഫ് താമരശേരിയുടെ വാക്കുകൾ

മൃതദേഹം ഇപ്പോൾ സിലിക്കോണ്‍ ഒയാസിസിലെ ഫഖീഹ് ആശുപത്രി മോര്‍ച്ചറിയില്‍ സൂക്ഷിച്ചിരിക്കുകയാണ് നടപടികൾ പൂർത്തിയാക്കിയ ശേഷം നാട്ടിലേക്ക് കൊണ്ടുവരും.

Read Latest Gulf Newsand Malayalam News