ഇളവുകൾ പ്രഖ്യാപിച്ച് സൗദി ഭരണകൂടം; നിർദേശങ്ങളും തീരുമാനങ്ങളും ഇങ്ങനെ

റിയാദ്: കൊവിഡ് പ്രതിരോധ പ്രവർത്തനങ്ങളുടെ ഭാഗമായി ഏർപ്പെടുത്തിയ ലോക്ക് ഡൗൺ നിയന്ത്രണങ്ങളിൽ ഇളവുകൾ അനുവദിച്ച് സൗദി അറേബ്യ. ജന ജീവിതത്തിന് കൂടുതൽ സൗകര്യങ്ങൾ നൽകുന്നതാണ് പുതിയ മാർഗനിർദേശങ്ങൾ.

Also Read: കാലാവധി തീര്‍ന്ന ടൂറിസ്റ്റ് വിസകള്‍ പുതുക്കി നല്‍കാന്‍ ഒരുങ്ങി സൗദി

ലോക്ക് ഡൗൺ നിർദേശങ്ങളുമായി ബന്ധപ്പെട്ട പുതിയ മാർഗനിർദേശങ്ങൾ പുറത്തുവന്നിരുന്നു. മേയ് 28 വരെ നിലനിന്നിരുന്ന നിയന്ത്രണങ്ങൾ സർക്കാർ പുതുക്കിയതോടെയാണ് കൂടുതൽ ഇളവുകൾ ലഭ്യമായത്.
കർഫ്യൂ ഏർപ്പെടുത്താത്ത സമയങ്ങളിൽ സ്വകാര്യ വാഹനങ്ങളിൽ യാത്ര ചെയ്യാം. നഗരം വിട്ട് പുറത്ത് പോകാൻ പാടില്ല.
28 മുതൽ 30വരെയുള്ള ദിവസങ്ങളിൽ "തവക്കൽന" അപ്ലിക്കേഷനിൽ നിന്ന് പെർമിറ്റുള്ള താമസക്കാർക്ക് രാവിലെ 6 നും 3 നും ഇടയിൽ വീടുകളിൽ നിന്ന് പുറത്തിറങ്ങാം. എന്നാൽ മക്കയിൽ നിയന്ത്രണങ്ങളുണ്ടാകും. എല്ലാവിധ മുൻകരുതലുകളും പാലിച്ച് വേണം യാത്ര ചെയ്യാൻ. മാസ്‌ക്, സാമൂഹിക അകലം എന്നീ കാര്യങ്ങളിൽ വിട്ടുവീഴ്‌ചയുണ്ടായിരിക്കില്ല.

മുൻകരുതൽ നടപടികൾ സ്വീകരിക്കുന്നതിൽ വിട്ടുവീഴ്ച വരുത്തിയില്ലെങ്കിൽ കൂടുതൽ ഇളവുകൾ നൽകുമെന്ന് അധികൃതർ അറിയിച്ചു. മാളുകൾ, വിവിധ ഷോപ്പുകൾ, വ്യാപാര സ്ഥാപനങ്ങൾ എന്നിവയ്ക്ക് തുറന്ന് പ്രവർത്തിക്കാനുള്ള സാഹചര്യമൊരുക്കും. മാർഗനിർദേശങ്ങളിൽ വീഴ്‌ച വരുത്താൻ പാടില്ലെന്നും ആഭ്യന്തര മന്ത്രാലയം അറിയിച്ചു.
Also Read: ഗള്‍ഫില്‍ രണ്ട് ലക്ഷം കടന്ന് കൊവിഡ് രോഗികള്‍

രാജ്യത്ത് കൊവിഡ് പ്രതിരോധ പ്രവർത്തനങ്ങൾ തുടരുകയാണ്. രോബാധിതരുടെ എണ്ണത്തിൽ കുറവ് സംഭവിച്ചതായി അധികൃതർ വ്യക്തമാക്കുന്നുണ്ട്. കാലാവധി തീര്‍ന്ന ടൂറിസ്റ്റ് വിസകള്‍ സൗദി അറേബ്യ പുതുക്കി നല്‍കാൻ സൗദി തീരുമാനിച്ചിട്ടുണ്ട്. സൗജന്യമായി മൂന്ന് മാസത്തേക്കാണ് സൗദി വിസ പുതുക്കി നല്‍കുക. വിസ പുതുക്കി നല്‍കേണ്ടവര്‍ സൗദി പാസ്പോര്‍ട്ട് വിഭാഗത്തെ സമീപിക്കേണ്ട ആവശ്യമില്ലെന്നാണ് അറിയിപ്പ്. വിസ ഓണ്‍ലൈന്‍ വഴി തന്നെ ഓട്ടോമാറ്റിക്കായി പുതുക്കി ലഭിക്കുമെന്ന് പാസ്പോര്‍ട്ട് വിഭാഗം അറിയിച്ചു.