കര്‍ഫ്യൂ ഇളവുകള്‍ക്ക് മുന്നോടിയായുള്ള മുന്‍കരുതല്‍ മാര്‍ഗ്ഗ നിര്‍ദ്ദേശങ്ങള്‍ പ്രഖ്യാപിച്ച് സൗദി അറേബ്യ

റിയാദ്։ സൗദിയില്‍ മുന്‍കരുതല്‍ മാര്‍ഗ്ഗ നിര്‍ദ്ദേശങ്ങള്‍ പ്രഖ്യാപിച്ച് ആഭ്യന്തര മന്ത്രാലയം. കൊറോണ വൈറസ് വ്യാപനം തടയുന്നതിന് വേണ്ടി രാജ്യത്ത് നടപ്പിലാക്കിയ ലോക്ക് ഡൗണിന്റെ രണ്ടാ ഘട്ട ഇളവുകള്‍ പ്രഖ്യാപിക്കുന്നതിന് മുന്നോടിയായുള്ള മുന്‍കരുതലിനായാണ് മാര്‍ഗ്ഗ നിര്‍ദ്ദേശങ്ങളാണ് സൗദി അറേബ്യ ഇപ്പോള്‍ പുറത്തുവിട്ടിരിക്കുന്നത്.

Also Read : 'ഐ കാണ്ട് ബ്രീത്ത്' കൊവിഡിനിടെ അമേരിക്കയെ പിടിച്ചു കുലുക്കി മിനിയാപൊളിസ് കലാപം

സൗദി ആരോഗ്യമന്ത്രാലയമാണ് ഈ മുന്‍കരുതല്‍ പ്രോട്ടോക്കോള്‍ നിര്‍മ്മിച്ചിരിക്കുന്നത്. മെയ് 31 മുതല്‍ ജൂണ്‍ 20 വരെയുള്ള കാലയളവിലേക്കാണ് ഇത് നടപ്പിലാകുക.

പൊതുജനങ്ങള്‍ എത്തുന്ന പള്ളികള്‍, പെട്രോളിയം, പെട്രോകെമിക്കല്‍സ് അടക്കമുള്ള വ്യവസായങ്ങള്‍ മാളുകള്‍ ചെറുകിട വ്യവസായങ്ങള്‍, ഹോം ഡെലിവറി സര്‍വീസുകള്‍ എന്നിങ്ങനെ പട്ടിക തിരിച്ചാണ് ആരോഗ്യവകുപ്പ് മാര്‍ഗനിര്‍ദ്ദേശങ്ങള്‍ പുറത്തു വിട്ടിരിക്കുന്നത്. ഈ മാര്‍ഗനിര്‍ദ്ദേശങ്ങള്‍ എല്ലാവരുടേയും സുരക്ഷയ്ക്ക് വേണ്ടി ഇത് പ്രാവര്‍ത്തികമാക്കണമെന്നും അനുസരിക്കണമെന്നും ആഭ്യന്തരമന്ത്രാലയം പൗരന്മാരോടും പ്രവാസികളോടും അനുബന്ധ ജീവനക്കാരോടും ആവശ്യപ്പെട്ടു.

കര്‍ഫ്യു ഘട്ടം ഘട്ടമായി പിന്‍വലിക്കുന്നതിലൂടെ മഹാമാരി മൂലമുണ്ടായ ആഗോള പ്രതിസന്ധിയില്‍ നിന്നും സാധാരണ ഗതിയിലെ സാമ്പത്തിക പ്രവര്‍ത്തനങ്ങളിലേക്കുള്ള രാജ്യത്തിന്റെ പുതിയ ചുവട് വയ്പ്പായാണ് ഇതിനെ കാണേണ്ടത് എന്ന് ധനകാര്യമന്ത്രി മൊഹമ്മദ് ബിന്‍ അഹ്ദുള്ള അല്‍ ജാദന്‍ പറഞ്ഞു.

Also Read : കൊവിഡ് ബാധിച്ച് ഒമാനില്‍ ഒരു മരണം കൂടി

ആരോഗ്യമന്ത്രാലയവും ബന്ധപ്പെട്ട അധികൃതരുമായി തുടര്‍ച്ചയായ സഹകരണത്തോടെയാണ് ഇത് തയ്യാറാക്കിയത്. നിലവിലെ പ്രതിസന്ധി തരണം ചെയ്യുന്നതിന് വേണ്ടി രാജ്യത്തിന്റെ പൊതു ബജറ്റില്‍ ബജറ്റില്‍ നീക്കിവച്ചിരിക്കുന്ന തുകയുടെ വളരെ ഒരു ഭാഗം മാത്രമാണ് ഉപയോഗിച്ചിരിക്കുന്നതെന്നും മന്ത്രി പറഞ്ഞു.