റിയാദ്: സൗദി അറേബ്യയിൽ മോഷണക്കേസിൽ കുറ്റക്കാരനെന്ന് കണ്ടെത്തിയ മലയാളി യുവാവിന്റെ കൈപ്പത്തി വെട്ടിമാറ്റാൻ ഉത്തരവ്. ആലപ്പുഴ നൂറനാട് സ്വദേശിയുടെ കൈപ്പത്തിയാണ് മുറിച്ചു മാറ്റാൻ കോടതി ഉത്തരവിട്ടത്. ഇയാള് ജോലി ചെയ്തിരുന്ന അബഹയിലെ ഒരു റെസ്റ്റൊറന്റിൽ നിന്ന് ഒരു ലക്ഷത്തി പതിനായിരം സൗദി റിയാൽ മോഷ്ടിച്ചെന്നാണ് കേസ്. ശരീഅത്ത് നിയമപ്രകാരമാണ് മോഷണക്കുറ്റത്തിന് കൈവെട്ടി മാറ്റിയുളള ശിക്ഷ. ഇയാളുടെ ജോലിസ്ഥലത്തു നിന്ന് പണം കാണാതായതിനെത്തുടര്ന്നാണ് അന്വേഷണം ആരംഭിച്ചത്. മോഷ്ടിക്കപ്പെട്ട മുഴുവൻ പണവും ഇയാളുടെ താമസസ്ഥലത്തു നിന്ന് കണ്ടെത്തിയതോടെ ഇയാള് കുറ്റം സമ്മതിക്കുകയായിരുന്നു. ശരീഅത്ത് നിയമപ്രകാരം ഇയാളുടെ വലതുകൈയാണ് വെട്ടിമാറ്റുക. അതേസമയം, അപ്പീലിന് പോകാൻ പ്രതിയ്ക്ക് കോടതി അനുവാദം നല്കിയിട്ടുണ്ട്.
സൗദിയിൽ മലയാളി യുവാവിൻ്റെ കൈപ്പത്തി മുറിച്ചു മാറ്റാൻ ഉത്തരവ്
ഇയാളുടെ ജോലിസ്ഥലത്തു നിന്ന് പണം കാണാതായതിനെത്തുടര്ന്നാണ് അന്വേഷണം ആരംഭിച്ചത്. മോഷ്ടിക്കപ്പെട്ട മുഴുവൻ പണവും ഇയാളുടെ താമസസ്ഥലത്തു നിന്ന് കണ്ടെത്തിയതോടെ ഇയാള് കുറ്റം സമ്മതിക്കുകയായിരുന്നു.
Samayam Malayalam 17 May 2019, 7:14 am
ഹൈലൈറ്റ്:
- ശിക്ഷ മോഷണക്കേസിലെ പ്രതിയ്ക്ക്
- യുവാവ് ജോലി ചെയ്തിരുന്ന സ്ഥലത്തുനിന്ന് ഒരു ലക്ഷത്തി പതിനായിരം റിയാൽ മോഷ്ടിച്ചതായി സമ്മതിച്ചിരുന്നു
- പ്രതിയ്ക്ക് അപ്പീലിനു പോകാൻ കോടതി അനുവാദം നല്കിയിട്ടുണ്ട്