ജിദ്ദ։ രാജ്യത്തേക്കുള്ള അന്താരാഷ്ട്ര വിമാന സര്‍വീസുകള്‍ പുനരാരംഭിക്കുന്നത് സംബന്ധിച്ച് തീയതികള്‍ ഒന്നും ഇതുവരേയും തീരുമാനിച്ചിട്ടില്ലെന്ന് സൗദി അറേബ്യയുടെ വ്യോമയാന മന്ത്രാലയം (ജിഎസിഎ). ഔദ്യോഗിക ട്വിറ്റർ അക്കൗണ്ടിലാണ് മന്ത്രാലയം ഇക്കാര്യം വ്യക്തമാക്കിയിരിക്കുന്നത്.
Also Read : കൊറോണവൈറസ്: ഈദ് പ്രാർത്ഥനകൾക്ക് മുൻപായി മക്കയിലെ പള്ളി തുറക്കില്ല
ട്വീറ്റിൽ പറയുന്നത് ഇതുവരേയും അന്താരാഷ്ട്ര വിമാന സര്‍വീസുകള്‍ പുനരാരംഭിക്കുന്നത് സംബന്ധിച്ച് ഒരു കൃത്യമായ തീയതി പ്രഖ്യാപിച്ചിട്ടില്ലെന്ന് ജിഎസിഎ സ്ഥിരീകരിക്കുന്നു. അതിനൊപ്പം തന്നെ യോഗ്യതയുള്ള അധികാരികളുടെ വിലയിരുത്തലിനെ അടിസ്ഥാനമാക്കിയാണ് തീരുമാനം എടുക്കുക. ഔദ്യോഗിക സ്രോതസ്സുകളില്‍ നിന്നു വിവരങ്ങള്‍ അപ്ഡേറ്റ് ചെയ്യുവാന്‍ അതോറിറ്റി ആവശ്യപ്പെട്ടിട്ടുണ്ട് എന്നും ട്വീറ്റിൽ കുറിക്കുന്നു.
കൊവിഡ് രോഗബാധയുടെ വ്യാപനം ആരംഭിച്ചതിനെ തുടര്‍ന്ന് മാര്‍ച്ച് മാസത്തോടെയാണ് അന്താരാഷ്ട്ര വിമാനങ്ങളുടെ സര്‍വീസ് നിര്‍ത്തിവച്ചത്. എന്നാല്‍, ജൂണ്‍ മാസം മുതല്‍ ആഭ്യന്തര സര്‍വീസുകള്‍ പുനരാരംഭിച്ചിരുന്നു. നിയന്ത്രണങ്ങള്‍ അവസാനിപ്പിച്ചതിന്റെ ഭാഗമായാണ് ഇത്തരത്തില്‍ ഒരു നടപടിയുണ്ടായിരിക്കുന്നത്.
Also Read : ലക്ഷ്യം ചൈന? വിൽക്കുന്നത് വിദേശി ഉത്പന്നമെങ്കിൽ ഫ്ലിപ്കാർട്ടും ആമസോണും ഇനി വ്യക്തമാക്കണം
സൗദി അറേബ്യയിൽ ഇതുവരെ 2,55,825 കേസുകളാണ് റിപ്പോർട്ട് ചെയ്തിരിക്കുന്നത്. അതിൽ 2,07,259 പേര്‍ക്ക് രോഗം ഭേദമാകുകയും 2,557 പേര്‍ക്ക് ജീവന്‍ നഷ്ടപ്പെടുകയും ചെയ്തിട്ടുണ്ട്.