സൗദി പൗരന്മാര്‍ക്ക് വിദേശികളെ വിവാഹം ചെയ്യാൻ നിബന്ധന

റിയാദ്: സൗദിയിലെ പൗരന്മാര്‍ക്ക് വിദേശികളെ വിവാഹം ചെയ്യാന്‍ പുതിയ നിബന്ധനകളുമായി സൗദി ആഭ്യന്തര മന്ത്രാലയം. ഇനി മുതല്‍ സ്വദേശികളല്ലാത്തവരെ വിവാഹം ചെയ്യാല്‍ മന്ത്രാലയത്തിന്‍റെ പ്രത്യേകാനുമതി വാങ്ങണമെന്നാണ് നിബന്ധന.

40 നും 65നും ഇടയില്‍ പ്രായമുള്ള സൗദി സ്വദേശിയായ പുരുഷനേ വിദേശിയായ യുവതിയെ വിവാഹം കഴിക്കാനാവൂ. യുവതിയ്ക്ക് 25 വയസ്സ് പൂര്‍ത്തിയായിരിക്കണം. വധൂവരന്മാരുടെ വയസ്സുകള്‍ തമ്മിലുള്ള വ്യത്യാസം 30 ല്‍ കൂടാന്‍ പാടില്ലെന്നും നിയമത്തില്‍ ഭേദഗതി വരുത്തിയിട്ടുണ്ട്.

സൗദി യുവതിയ്ക്ക് വിദേശ പൗരനെ വിവാഹം ചെയ്യണമെങ്കില്‍ 30 നും 55 നും ഇടയിലായിരിക്കണം പ്രായം എന്നും അയാളുടെ ആദ്യ വിവാഹമായിരിക്കണം ഇതെന്നും നിര്‍ബന്ധമുണ്ട്. വിദേശ പൗരന്മാരുടെ പശ്ചാത്തലത്തെ കുറിച്ചും കടും പിടുത്തങ്ങളുണ്ട്. സൗദിയിലേ മാതൃരാജ്യത്തോ കുറ്റകൃത്യങ്ങള്‍ ഏര്‍പ്പെട്ടവരാവരുത്, പാരമ്പര്യ രോഗങ്ങളുള്ളവരും അതാത് രാജ്യത്തെസേനയില്‍ ജോലിയുള്ളവരാവരുത് എന്നും നിബന്ധനയില്‍ പറയുന്നു.