സൗദി തൊഴിൽപ്രശ്‌നം: ആദ്യ സംഘം ‌ഇന്ന് നാട്ടിലെത്തും

ജിദ്ദ: തൊഴിൽ നഷ്‌ടപ്പെട്ട് സൗദിയിൽ കുടുങ്ങിക്കിടക്കുന്ന ഇന്ത്യക്കാരുടെ ആദ്യ സംഘം ഇന്ന് നാട്ടിലെത്തും. സൗദി ഓജർ കമ്പനിയിൽ ജോലി ചെയ്‌തിരുന്ന 26 ‌തൊഴിലാളികളെയാണ് ഇന്ന് നാട്ടിലെത്തിക്കുക. എന്നാൽ ഇവരിൽ മലയാളികൾ ഇല്ല.

രാവിലെ പത്ത് മണിയോടെ ജിദ്ദയിൽ നിന്ന് ‌പുറപ്പെടുന്ന സംഘം വൈകിട്ട് ആറ് മണിയോടെ ഡൽഹിയിലെത്തും. സൗദി സർക്കാരിന്റെ ചിലവിൽ സൗദി അറേബ്യൻ എയർലൈൻസിലാണ് തൊഴിലാളികൾ നാട്ടിലെത്തുന്നത്.