ഇഖാമ സൗജന്യമായി പുതുക്കിനല്‍കും: സൗദി തൊഴില്‍ മന്ത്രാലയം

തൊഴിലാളികളുടെ ഇഖാമ സൗജന്യമായി പുതുക്കിനല്‍കുമെന്ന് സൗദി തൊഴില്‍ മന്ത്രാലയം അറിയിച്ചു. സ്പോണ്‍സര്‍ഷിപ്പ് സൗജന്യമായി മാറ്റാനും തിരികെ പോകാന്‍ ആഗ്രഹിക്കുന്നവരുടെ ആനുകൂല്യങ്ങള്‍ നല്‍കാനും മന്ത്രാലയം തീരുമാനിച്ചു. ജിദ്ദയില്‍ ഇന്ത്യന്‍ കോണ്‍സുലേറ്റുമായി നടന്ന ചര്‍ച്ചയെ തുടര്‍ന്നാണ് തീരുമാനം.

പ്രശ്നപരിഹാരത്തിനായി ഇന്ത്യന്‍ കേന്ദ്രവിദേശകാര്യ സഹമന്ത്രി ജനറല്‍ വികെ സിങ് ജിദ്ദയിലെത്തി. സൗദിയിലെ വിവിധ കമ്പനികളുമായി അദ്ദേഹം ചര്‍ച്ച നടത്തും. തൊഴിലാളികളെ പുനരധിവസിപ്പിക്കുക എന്നതാണ് ലക്ഷ്യം.