പിണറായിക്കു നിവേദനം നല്‍കി സൗദിതൊഴിലാളികള്‍

തിരുവനന്തപുരം: സൗദിയില്‍ തൊഴില്‍ നഷ്ടപ്പെട്ടു ദുരിതത്തില്‍ കഴിയുന്ന തൊഴിലാളികള്‍ മുഖ്യമന്ത്രി പിണറായി വിജയനു നിവേദനം നല്‍കി. ദുരിതത്തിലായ തൊഴിലാളികള്‍ക്കു മറ്റു രാജ്യങ്ങള്‍ നല്‍കിയ തരത്തിലുള്ള താത്കാലിക സാമ്പത്തിക സഹായം തങ്ങള്‍ക്കു നല്‍കണമെന്നാണ് പ്രവാസികള്‍ ആവശ്യപ്പെടുന്നത്.

ആനൂകൂല്യങ്ങള്‍ ലഭ്യമാക്കാന്‍ കേന്ദ്രവുമായി ഉഭയകക്ഷി ചര്‍ച്ചകള്‍ നടത്തണമെന്നും നിവേദനത്തില്‍ ആവശ്യപ്പെടുന്നു. നിവേദനത്തോടൊപ്പം സൌദി ഓജര്‍ കമ്പനിയിലെ തൊഴില്‍ നഷ്ടപ്പെട്ടു ദുരിതത്തില്‍ കഴിയുന്ന 414 മലയാളി തൊഴിലാളികളുടെ പട്ടികയും മുഖ്യമന്ത്രിക്കു കൈമാറിയിട്ടുണ്ട്. നേരത്തെ, സൗദി ഓജറില്‍ 300ല്‍ താഴെ മാത്രം മലയാളി തൊഴിലാളികളെ ഉള്ളൂ എന്നാണ് മുഖ്യമന്ത്രി പിണറായി വിജയന്‍ അറിയിച്ചിരുന്നത്.