ദേശീയ ദിനം; സൗദിയിൽ നാല് ദിവസത്തെ അവധി പ്രഖ്യാപിച്ചു

റിയാദ്: സൗദി ദേശീയ ദിനത്തോടനുബന്ധിച്ച് സിവിൽ സർവ്വീസ് മന്ത്രാലയം നാല് ദിവസത്തെ അവധി പ്രഖ്യാപിച്ചു. സെപ്തംബർ 20 മുതൽ 23 വരെയാണ് അവധി പ്രഖ്യാപിച്ചിരിക്കുന്നത്. പ്രവർത്തി ദിനമായ സെപ്തംബർ 19 വൈകിട്ടാണ് അവധി ആരംഭിക്കുക.

ഇക്കാര്യങ്ങൾ പാലിക്കുന്നുണ്ടോ? സൗദിയിൽ തൊഴിൽ വിസ ലഭിക്കും

വെള്ളി, ശനി വാരാന്ത്യ ദിനങ്ങളിലെ അവധി ദിനങ്ങൾക്കൂടി പരിഗണിച്ചാണ് നാല് ദിവസത്തെ അവധി പ്രഖ്യാപിച്ചിരിക്കുന്നത്. സെപ്തംബർ 19ന് അടയ്ക്കുന്ന ഓഫീസുകൾ 24നായിരിക്കും തുറന്ന് പ്രവർത്തിക്കുക. എല്ലാ വർഷവും സെപ്തംബർ 23നാണ് സൗദി ദേശീയ ദിനം ആചരിക്കുന്നത്.

ഷഫീന യൂസഫലി; ഫോബ്സ് പട്ടികയിലെ ഏക ഇന്ത്യൻ വനിത

1932ൽ അബ്ദുൾ അസീസ് അബ്ൻ സൗദ് രാജാവ് നെജാദ് എന്നും ഹെജാസ് എന്നും പേരുള്ള രണ്ട് രാജ്യങ്ങൾ സൗദി എന്ന് പേര് മാറ്റിയതിന്റെ ഓർമ്മദിനമാണ് ദേശീയ ദിനമായി ആഘോഷിക്കുന്നത്.

രൂപയുടെ മൂല്യത്തിൽ ഇടിവ്; പ്രവാസികൾക്ക് അനുഗ്രഹം

രാജ്യത്തിന്റെ 89-ാമത് ദേശീയ ദിനമാണ് ഈ വർഷത്തേത്. പരമ്പരാഗതമായ നൃത്തവും, പരമ്പരാഗത സംഗീതവും ഈ ദിവസത്തിൽ അവതരിപ്പിക്കപ്പെടും. രാജ്യത്തിന്റെ പതാക എല്ലായിടത്തും സ്ഥാപിക്കുകയും സൗദി പൌരന്മാർ പച്ച വസ്ത്രം അണിയുന്നതും ഈ ദിവസത്തിന്റെ പ്രത്യേകതയാണ്.