ഖത്തറിൽ സ്കൂളുകൾ നാളെ തുറക്കും; കുട്ടികളുടെ യാത്ര സുരക്ഷിതമാക്കാൻ നിർദ്ദേശം

ദോഹ: ഖത്തറിൽ സർക്കാർ-സ്വകാര്യ സ്കൂളുകൾ നാളെ തുറക്കും. കുട്ടികളുടെ യാത്ര സുരക്ഷിതമാക്കുന്നതിന് ശ്രദ്ധചെലുത്തണമെന്ന് അധികൃതർ നിർദ്ദേശിച്ചു. ഇക്കാര്യത്തിൽ രക്ഷിതാക്കളുടേയും സ്കൂൾ അധികൃതരുടേയും ശ്രദ്ധവേണം. സ്കൂൾ ബസ് ഡ്രൈവർക്ക് കൃത്യമായ പരിശീലനവും സുരക്ഷാ നിർദ്ദേശങ്ങളും നൽകണമെന്നും അധികൃതർ പറഞ്ഞു.

കുവൈത്തിൽ കുടുംബ വിസ ലഭിക്കാനുള്ള കുറഞ്ഞ ശമ്പള പരിധി ഉയർത്തി

കുട്ടികളുടെ സുരക്ഷ സംബന്ധിച്ച് ഇടവേളകളിൽ ജീവനക്കാർക്ക് പരിശീലനം നൽകണം, ഗതാഗത നിയമങ്ങൾ പാലിച്ചുള്ള യാത്ര ഉറപ്പാക്കണം, കുട്ടികളുമായുള്ള യാത്രയിൽ ഡ്രൈവർമാർ കൂടുതൽ ശ്രദ്ധാലുക്കളായിരിക്കണമെന്നും നിർദ്ദേശത്തിൽ പറയുന്നു. ഓരോ യാത്രക്കു മുമ്പും ഡ്രൈവർമാർ ബസിന് തകരാറില്ലെന്ന് ഉറപ്പുവരുത്തണം. ഉണ്ടെങ്കിൽ അത് പരിഹരിച്ച ശേഷമേ ബസ് ഉപയോഗിക്കാവൂ. സ്കൂളിലേക്ക് പോരുമ്പോഴും തിരികെ പോകുമ്പോഴും മുഴുവൻ വിദ്യാർത്ഥികളും ബസിൽനിന്നും ഇറങ്ങിയിട്ടുണ്ടെന്ന് ബസ് ഡ്രൈവർ ഉറപ്പാക്കേണ്ടതുണ്ട്. ബസ് പൂർണമായും നിർത്തിയ ശേഷമേ ബസിൽനിന്നും പുറത്തിറങ്ങാൻ കുട്ടികളെ അനുവദിക്കാവൂ.

ഷാർജയിൽ വൻ തീപിടുത്തം; വാഹനങ്ങൾ കത്തിനശിച്ചു

ബസ് നിർത്തുന്നയിടങ്ങളിൽ രക്ഷിതാക്കൾ ഉറപ്പായും ഉണ്ടായിരിക്കണം. ബസ് സ്റ്റോപ്പിൽ കാത്തുനിൽക്കുമ്പോൾ കുട്ടികൾ അച്ചടക്കം പാലിക്കണം. ബസിൽനിന്നും ഇറങ്ങി നടക്കുമ്പോഴും കുട്ടികൾ അച്ചടക്കം പാലിക്കേണ്ടതുണ്ട്. ബസിന്റെ മുന്നിൽ ഡ്രൈവർക്ക് കാണാൻ കഴിയാത്ത വിധത്തിൽ കുട്ടികൾ നടക്കാൻ പാടുള്ളതല്ല. ബസിന്റെ മുന്നിൽനിന്നും 10 അടി മാറിവേണം നടക്കാനെന്നും നിർദ്ദേശമുണ്ട്.


ഒമാനിൽ മലയാളിയുടെ ഷോപ്പിങ് സെന്റർ കത്തിനശിച്ചു

ഡ്രൈവറുടെ ഏകാഗ്രത നഷ്ടപ്പെടുന്നവിധത്തിൽ കുട്ടികൾ ബസിൽ ശബ്ദം ഉണ്ടാക്കരുത്. സീറ്റിൽ സുരക്ഷിതമായി ഇരിക്കുകയും കൈയ്യും തലയും ബസിനു വെളിയിൽ ഇടാതിരിക്കുകയും വേണം. ബസിൽ കയറാൻ തിക്കും തിരക്കും ഉണ്ടാക്കരുതെന്നും നിർദ്ദേശത്തിൽ പറയുന്നു.