സൗദിയില്‍ ശക്തമായ മഞ്ഞുവീഴ്ച തുടരുന്നു

സൗദി അറേബ്യയുടെ വടക്കന്‍ പ്രവിശ്യകളിൽ മഞ്ഞ് വീഴ്ച ശക്തമായി. കനത്ത മഞ്ഞുവീഴ്ചയാണ് തബൂക്കില്‍ നാലുദിവസമായി അനുഭവപ്പെടുന്നത്. ജോര്‍ദാനിന്റെ അതിര്‍ത്തി പ്രദേശമാണ് തബൂക്ക്. ജോര്‍ദാനില്‍ കഴിഞ്ഞദിവസം ശക്തമായ മഞ്ഞുവീഴ്ചയാണ് അനുഭവപ്പെട്ടത്.

മരുഭൂമിയിലും മലനിരകളിലുമുള്ള മഞ്ഞ് കാണാന്‍ സ്വദേശികളും വിദേശികളടക്കം നൂറുകണക്കിന് പേരാണെത്തുന്നത്. മലയോരമേഖലയായ ജബല്‍ ലോസ്, ഹലകാന്‍ എന്നിവിടെയാണ് ഏറ്റവും കൂടുതല്‍ മഞ്ഞുവീഴ്ച അനുഭവപ്പെടുന്നത്. മഞ്ഞുവീഴ്ച ശക്തമായതോടെ എല്ലാവിധ സുരക്ഷാ ക്രമീകരണങ്ങളും സര്‍ക്കാര്‍ ഒരുക്കിയിട്ടുണ്ട്.