പ്രവാസികൾക്ക് ആധാർ ലഭ്യമാക്കാനുള്ള സംവിധാനം മൂന്ന് മാസത്തിനുള്ളിൽ

ന്യൂഡൽഹി: ഇന്ത്യൻ പാസ്പോർട്ടുള്ള പ്രവാസികൾക്ക് ആധാർ ലഭ്യമാക്കാനുള്ള സംവിധാനം മൂന്നു മാസത്തിനുള്ളിൽ തയ്യാറാകുമെന്ന് യുണീക്ക് ഐഡന്റിഫിക്കേഷൻ അതോറിറ്റി ഓഫ് ഇന്ത്യ (യുഡിഐ) സിഇഒ ബഹുജൻ പാണ്ഡെ. ഇത് നടപ്പിൽ വരുന്നതോടെ ആധാർ ലഭിക്കാൻ പ്രവാസികൾ 180 ദിവസം കാത്തിരിക്കേണ്ടതില്ലെന്നും അദ്ദേഹം വ്യക്തമാക്കി.

സ്വർണ്ണം വാങ്ങുന്നുണ്ടോ?; ദുബായിൽനിന്നു വാങ്ങിയാൽ ലാഭം

രാജ്യത്തിനു പുറത്തുനിന്നുള്ളവർക്ക് ആധാറിനായി അപേക്ഷിക്കാനുള്ള സംവിധാനമാണ് ഇപ്പോൾ ഒരുക്കിക്കൊണ്ടിരിക്കുന്നത്. ഇത്തരത്തിൽ അപേക്ഷിക്കുന്നവർക്ക് അനുവദിച്ച സമയത്ത് നാട്ടിലെത്തി ആധാർ ലഭിക്കാനുള്ള നടപടി ക്രമങ്ങൾ പൂർത്തിയാക്കാവുന്നതാണെന്ന് പാണ്ഡെ പറഞ്ഞു.

സ്ഥാപനം പൂട്ടി തൊഴിലാളികൾ മുങ്ങി; ഉടമയായ മലയാളി ഒമാനിൽ കുടുങ്ങി

പ്രവാസികൾക്ക് ആധാർ ഉടൻ ലഭ്യമാക്കുന്നതിനുള്ള സംവിധാനം ഏർപ്പെടുത്തുമെന്ന് ബജറ്റ് അവതരണ വേളയിൽ ധനമന്ത്രി നിർമ്മലാ സീതീരാമൻ പ്രഖ്യാപിച്ചിരുന്നു. ആധാർ ലഭിക്കുന്നതിന് പ്രവാസികൾ മാസങ്ങളോളം കാത്തിരിക്കേണ്ടതില്ലെന്നും അവർ പറഞ്ഞു.

ചെക്ക് കേസ്; നാസിൽ അബ്ദുല്ലയോ കുടുംബമോ തന്നെ ബന്ധപ്പെട്ടില്ല: യൂസഫലി

അതേസമയം, പാസ്പോർട്ട് സേവാ കേന്ദ്രങ്ങൾക്ക് സമാനമായി രാജ്യത്ത് 53 ആധാർ സേവാ കേന്ദ്രങ്ങൾ സ്ഥാപിക്കും. ഇതിന് 300-400 കോടി രൂപ ചെലവാണ് പ്രതീക്ഷിക്കുന്നത്. ഈ കേന്ദ്രങ്ങൾ വഴിയായിരിക്കും ഇനി ആധാർ അനുവദിക്കുക. നിലവിൽ സർക്കാർ കേന്ദ്രങ്ങൾ കൂടാതെ ബാങ്കുകളും പോസ്റ്റ് ഓഫീസുകളും കേന്ദ്രീകരിച്ചാണ് യുഡിഐ ഓഫീസുകൾ പ്രവർത്തിക്കുന്നത്.