സാങ്കേതിക പ്രശ്നം; ദുബായിലേക്കുള്ള എയര്‍ ഇന്ത്യ വിമാനം ഇറക്കി

മുംബെെ: വിമാനത്തിന്റെ സാങ്കേതിക തകരാർ മൂലം ആണ് ദുബായിലേക്കുള്ള എയർ ഇന്ത്യ വിമാനം മുംബൈയില്‍ ഇറക്കിയത്. വിമാനം പുറപ്പെട്ടത് ഹൈദരബാദില്‍ നിന്നും ആയിരുന്നു. 143 യാത്രക്കാർ ആണ് വിമാനത്തിൽ ഉണ്ടായിരുന്നത്. വിമാനം പറന്നു ഉയർന്നപ്പോൾ ആണ് സാങ്കേതിക തകരാർ അനുഭവപ്പെട്ടത്. തുടർന്ന് അടിയന്തര ലാന്റിങ് നടത്തുകയായിയിരുന്നു.

ഹൈഡ്രോളിക് സിസ്റ്റത്തിലുണ്ടായ തകരാർ ആണ് വിമാനം അടിയന്തിരമായി ഇറക്കാൻ കാരണം. വിമാനം മുംബൈയിലേക്ക് വഴി തിരിച്ച് വിടുകയായിരന്നു. വിമാനത്തിൽ ഉണ്ടായിരുന്ന യാത്രക്കാർ എല്ലാം സുരക്ഷിതർ ആണെന്ന് അധിതർ‍ അറിയിച്ചു. വിമാനത്തിന്റെ തകരാർ പരിഹരിച്ച ശേഷം ഇതേ വിമാനം യാത്രക്കാരുമായി ദുബായിലേക്ക് തിരിച്ചു. എഎന്‍ഐ ആണ് വാർത്ത റിപ്പോര്‍ട്ട് ചെയ്യുന്നത്.



Also Read: കാവി നിറത്തിലുള്ള ബിക്കിനി ആണ് ദീപിക പദുക്കോൺ ഈ ഗാനരംഗത്തിൽ അണിഞ്ഞിരിക്കുന്നത്. ഇതിനെ ചൊല്ലിയാണ് ഇപ്പോൾ തർക്കം നടക്കുന്നത്. വെെറലായ ട്രോളുകൾ കാണാം

കഴിഞ്ഞ കുറച്ചു ദിവസങ്ങൾക്ക് മുമ്പ് ദുബായില്‍ നിന്ന് കോഴിക്കോടേക്കുള്ള എയർ ഇന്ത്യ സർവീസ് മുടക്കിയിരുന്നു. വിമാനത്തിനുള്ളിൽ പാമ്പിനെ കണ്ടതിനാൽ ആണ് സർവീസ് മുടങ്ങിയത്. ശനിയാഴ്ച പുലര്‍ച്ചെ 2.20ന് ദുബായിൽ നിന്നും പുറപ്പെടേണ്ടി വിമാനം ആണ് പാമ്പിനെ കണ്ടെത്തിയതിനാൽ സർവീസ് മുടക്കിയത്. യാത്രക്കാർ വിമാനത്തിൽ കയറുമ്പോൾ ആണ് വിമാനത്തിനുള്ളിൽ പാമ്പിനെ കണ്ടെത്തിയത്. തുടർന്ന് യാത്രക്കാരെ എല്ലാം തിരിച്ചിറക്കി. എങ്ങനെ പാമ്പ് വിമാനത്തിൽ എത്തിയത് എന്ന് വൃക്തമല്ല. വിമാനത്തിന്റെ അധികൃതർ ഇതുമായി ബന്ധപ്പെട്ട് അന്വേഷണം ആരംഭിച്ചിട്ടുണ്ട്.

Also Read: രക്തത്തില്‍ കുളിച്ചനിലയില്‍ മലയാളി നഴ്‌സും രണ്ടു മക്കളും യുകെയിൽ കൊല്ലപ്പെട്ട നിലയിൽ; ഭർത്താവ് കസ്റ്റഡിയിൽ

ഇതുകൂടാതെ കഴിഞ്ഞ ദിവസം ദുബായില്‍ നിന്ന് കൊച്ചിയിലേക്കുള്ള സ്‍പൈസ്ജെറ്റ് വിമാനം നേരം വെെകിയിരുന്നു. 28 മണിക്കൂര്‍ വെെകിയാണ് വിമാനം പുറപ്പെട്ടത്. വിമാനത്താവളത്തിൽ നിന്നും പുറത്തുപോകാതെ യാത്രക്കാർ കുടുങ്ങി. പലർക്കും യാത്ര വലിയ സമയ നഷ്ടം ആണ് നൽകിയത്. ഞായറാഴ്ച രാവിലെ 9.30ന് ദുബായി അന്താരാഷ്‍ട്ര വിമാനത്താവളത്തില്‍ നിന്ന് പുറപ്പെടേണ്ട വിമാനം ആണ് വെെകിയത്. സ്‍പൈസ് ജെറ്റ് വിമാനം ആണ് വെെകിയത്. തിങ്കളാഴ്ച ഉച്ചയ്ക്ക് 1.30നാണ് പിന്നീട് വിമാനം പുറപ്പെട്ടത്.

Read Latest Gulf News and Malayalam News