കൊറോണ വൈറസ്: യുഎഇയിലെ പരീക്ഷ കേന്ദ്രത്തില്‍ മാസ്‌ക് ധരിക്കാന്‍ അനുമതി നല്‍കി സിബിഎസ്ഇ

ദുബായ്: കൊറോണ വൈറസ് പടരുന്ന സാഹചര്യത്തില്‍ സിബിഎസ്ഇ ബോർഡ് പരീക്ഷ എഴുതുന്ന യുഎഇയിലെ വിദ്യാർത്ഥികൾക്ക് പരീക്ഷാ ഹാളില്‍ മാസ്ക്കും ഹാൻഡ് സാനിറ്റൈസർ എടുക്കാനും സിബിഎസ്ഇ അനുവാദം നല്‍കി. കൊവിഡ് -19 വ്യാപിക്കുന്നതിനെതിരായ മുൻകരുതലായി മാർച്ച് 8 മുതൽ യുഎഇ നാല് ആഴ്ച സ്കൂളുകൾ അടച്ചു. കുറഞ്ഞത് രണ്ട് വിദ്യാർത്ഥികളടക്കം 59 പോസിറ്റീവ് കേസുകൾ ആണ് രാജ്യത്ത് റിപ്പോർട്ട് ചെയ്തിട്ടുള്ളത്.

ഇന്ത്യയിലെ ഏറ്റവും വലിയ വിദ്യാഭ്യാസ ബോർഡായ സിബിഎസ്ഇ നടത്തുന്ന പരീക്ഷകൾക്ക് ഹാജരാകേണ്ട 10, 12 ക്ലാസുകളിലെ വിദ്യാർത്ഥികൾക്ക് അവരുടെ പരീക്ഷകള്‍ക്ക് ശേഷം ഉടന്‍ അവധി നല്‍കാനും സ്കൂളുകള്‍ക്ക് നിര്‍ദ്ദേശം നല്‍കിയിട്ടുണ്ട്.

Also Read: അമിത് ഷാ നേരിട്ടിറങ്ങി; ജ്യോതിരാദിത്യ സിന്ധ്യ ബിജെപിയിലേക്ക്? - മധ്യപ്രദേശിൽ നിർണായക നീക്കം

കൊവിഡ് പടരുന്ന സാഹചര്യത്തില്‍ വിദ്യാര്‍ത്ഥികള്‍ ജാഗ്രത പാലിക്കണം. പുറത്ത് വരുന്ന വാര്‍ത്തകള്‍ അനുസരിച്ച് മുന്‍കരുതല്‍ എടുക്കുന്നതിന്‍റെ ഭാഗമായി വിദ്യാർത്ഥികൾക്ക് ഫെയ്സ് മാസ്കും സാനിറ്റൈസറുകളും കൊണ്ട് വരാവുന്നതാണെന്ന് സിബിഎസ്ഇ പുറത്തിറക്കിയ പത്രക്കുറിപ്പില്‍ പറയുന്നു.
പരീക്ഷാകേന്ദ്രങ്ങൾക്കുള്ളിൽ ആവശ്യമായ നടപടികൾ സ്വീകരിക്കാൻ യുഎഇയിലെ ഇന്ത്യൻ സ്കൂളുകൾക്ക് നിര്‍ദ്ദേശം നല്‍കിയതായും പറയുന്നു.

വൈറസ് കൈമാറ്റം ചെയ്യപ്പെടാനുള്ള കാരണവും വിദ്യാർത്ഥികളുടെ വ്യക്തിഗത സുരക്ഷയ്ക്ക് ആവശ്യമായ അടിസ്ഥാന നടപടികള്‍ സ്വീകരിക്കാനും സ്കൂളുകളോട് ആവശ്യപ്പെട്ടിട്ടുണ്ട്. സിബിഎസ്ഇ എടുത്ത തീരുമാനത്തെ ഗ്ലോബല്‍ ഇന്ത്യന്‍ ഇന്റർനാഷ്ണൽ സ്കൂള്‍ സ്വാഗതം ചെയ്യുന്നുവെന്നും ഇത് മാതൃകാപരമായ തീരുമാനമാണെന്നും ജിഐഐഎസ്, പ്രിന്‍സിപ്പല്‍ ഡേ. ഹീന പറഞ്ഞു.

Also Read: മുപ്പത്തേഴ് വയസ്, മേരി കോം ഒളിമ്പിക് ടിക്കറ്റെടുത്തു!

സിബിഎസ്ഇ സ്കൂളുകള്‍ക്ക് മാത്രമല്ല മറ്റു ഇന്ത്യന്‍ സൂകൂളിലെ വിദ്യാര്‍ത്ഥികള്‍ക്കും മാസ്ക് ധരിക്കാനും ഹാൻഡ് സാനിറ്റൈസറുകൾ പരീക്ഷാ ഹാളിലേക്ക് കൊണ്ടുപോകാന്‍ അനുമതി നല്‍കാന്‍ തീരുമാനമായതായി ഗള്‍ഫ് മാധ്യമങ്ങള്‍ റിപ്പോര്‍ട്ട് ചെയ്യുന്നു.