ഖത്തറില്‍ പൊതുമാപ്പ് കാലാവധി അവസാനിച്ചു

ദോഹ: ഖത്തര്‍ സര്‍ക്കാര്‍ പ്രഖ്യാപിച്ച മൂന്നുമാസത്തെ പൊതുമാപ്പ് കാലാവധി ഇന്നലെ അവസാനിച്ചു. 5000ലേറെ ഏഷ്യക്കാര്‍ പൊതുമാപ്പ് പ്രയോജനപ്പെടുത്തി രാജ്യം വിട്ടതായി വിവിധ എംബസികളില്‍ നിന്നുള്ള കണക്കുകള്‍ സൂചിപ്പിക്കുന്നു.

എന്നാല്‍, ഔദ്യോഗിക കണക്കുകള്‍ ഖത്തര്‍ അധികൃതര്‍ പുറത്തുവിട്ടിട്ടില്ല. സെപ്തംബര്‍ 1 മുതലാണ് പൊതുമാപ്പ് ആരംഭിച്ചത്. 1500ഓളം ഇന്ത്യക്കാര്‍ പൊതുമാപ്പിന്റെ പ്രയോജനം തേടി സെര്‍ച്ച് ആന്റ് ഫോളോഅപ്പ് ഡിപാര്‍ട്ടമെന്റിനെ സമീപിച്ചതായി ഇന്ത്യന്‍ എംബസി ഈ മാസം ആദ്യം അറിയിച്ചിരുന്നു. സ്‌പോണ്‍സറില്‍ നിന്ന് ഒളിച്ചോടുകയോ വിസ കാലാവധി അവസാനിക്കുകയോ ചെയ്ത അനധികൃത താമസക്കാരെ ജോലിക്കു വയ്ക്കുന്ന തൊഴിലുടമകളും കുടുങ്ങും.


English Summary: Thousands of workers leave Qatar as amnesty ends