വേട്ടനായകളുമായി വേട്ടക്കാർ പിടിയിൽ

ദോഹ: ദോഹയിലെ മരുഭൂമിയിലെ കാടുകളിലുള്ള വന്യ മൃഗങ്ങളെ സംരക്ഷിക്കാൻ ശക്തമായ നടപടികൾ എടുത്തിരിക്കുകയാണ് ദോഹ നഗരസഭ പരിസ്ഥിതി മന്ത്രാലയം. ഇതിന്‍റെ ഭാഗമായി കഴിഞ്ഞ ദിവസം മരുഭൂമിയിലെ കാടുകളിൽ നായയെ ഉപയോഗിച്ച് വേട്ടക്കെത്തിയവരെ പരിസ്ഥിതി മന്ത്രലയത്തിന്‍റെ പെട്രോളിങ് വിഭാഗം അറസ്റ്റ് ചെയ്തു.

മൂന്ന് നായ്ക്കളെയും വേട്ട സംഘത്തെയും അവരുടെ വാഹനങ്ങളുമാണ് കസ്റ്റഡിയിൽ എടുത്തത്.

മരുഭൂമിയിൽ ഒട്ടകത്തെ മേയ്ക്കുന്നവർക്കെതിരെയും ശക്തമായ നടപടി എടുക്കുന്നുണ്ട്. മാത്രമല്ല മരുഭൂമിയിൽ അനുമതിയില്ലാത്ത ഇടങ്ങളിൽ വാഹനങ്ങൾ ഓടിക്കുന്നതും മാലിന്യം നിക്ഷേപിക്കുന്നതും ദോഹയിൽ വലിയ കുറ്റമാണ്.