അമേരിക്കയില്‍ കുട്ടി അടക്കം ഇന്ത്യന്‍ കുടുംബത്തിലെ മൂന്ന് പേര്‍ മുങ്ങിമരിച്ചു

ന്യൂജേഴ്സി։ അമേരിക്കയില്‍ സ്ഥിരതാമസമാക്കിയ ഇന്ത്യൻ കുടുംബത്തിലെ മൂന്ന് പേരെ മുങ്ങി മരിച്ച നിലയില്‍ കണ്ടെത്തി. അമേരിക്കയിലെ ഇവരുടെ വസതിയിലുള്ള നീന്തല്‍ കുളത്തില്‍ മുങ്ങി മരിച്ച നിലയില്‍ കണ്ടെത്തുകയായിരുന്നു.

Also Read : ബ്രസീലിൽ ഒരുദിനം 39,436 പേർക്ക് കൊവിഡ്; ആഗോള മരണസംഖ്യ 4.8 ലക്ഷത്തിലേക്ക്

62 കാരനായ ഭാരത് പട്ടേൽ 33 കാരിയായ മരുമകള്‍ നിഷാ പട്ടേൽ നിഷയുടെ എട്ട് വയസ്സ് പ്രായമുള്ള മകള്‍ എന്നിവരെയാണ് ഇത്തരത്തില്‍ മരിച്ച നിലയില്‍ കണ്ടെത്തിയത്. തിങ്കളാഴ്ച വൈകിട്ട് 4.20 ഓടെയാണ് മരണമുണ്ടായിരിക്കുന്നത്.

ന്യൂജേഴ്സിയിലെ ഈസ്റ്റ് ബേണ്‍സ്വികില്‍ ആണ് ഇവര്‍ താമസിച്ചിരുന്നത്. ഇവരുടെ കരച്ചില്‍ ശബ്ദം കേട്ട് അയല്‍ക്കാര്‍ 911ല്‍ വിളിച്ച് അടിയന്തിര സഹായത്തിന് വിളിച്ചത്. പോലീസ് സ്ഥലത്ത് എത്തി പരിശോധിച്ചപ്പോള്‍ ഇവരെ മരിച്ച നിലയില്‍ കണ്ടെത്തുകയായിരുന്നു.

ഇന്ത്യാക്കാര്‍ താമസിക്കുന്ന പ്രദേശത്താണ് ഇവര്‍‍ താമസിക്കാന്‍ എത്തിയത്. വിശാല്‍ മക്കിൻ ആണ് സംഭവം പോലീസില്‍ അറിയിച്ചത്. വളരെയധികം വേദന ഉണ്ടാക്കുന്നതാണെന്ന് കുടുംബവുമായി അടുത്ത് ബന്ധമുണ്ടായിരുന്ന യാമിനി പട്ടേല്‍ ഒരു മാധ്യമത്തോട് വ്യക്തമാക്കി.

Also Read : 'കുട്ടികൾ തമ്മിൽ ഭക്ഷണം പങ്കുവയ്ക്കരുത്' സ്കുളുകള്‍ തുറക്കുന്നതിന്റെ ഭാഗമായി മാര്‍ഗ്ഗനിര്‍ദ്ദേശങ്ങള്‍ പങ്കുവച്ച് യുഎഇ

മൂന്ന് പേരെയും കുളത്തിൽ നിന്നും പുറത്തെത്തിച്ച് പോലീസ് കൃത്രിമ ശ്വാസം അടക്കമുള്ള പ്രാഥമിക ശുശ്രൂഷ നല്‍കിയെങ്കിലും രക്ഷപ്പെടുത്താന്‍ കഴിഞ്ഞില്ലെന്ന് പോലീസ് പറഞ്ഞു. ഇവര്‍ 20 ദിവസം മുന്‍പാണ് ഇവിടേക്ക് താമസമാക്കിയത് എന്ന് അയൽവാസികള്‍ പറഞ്ഞു. സംഭവത്തില്‍ ദുരൂഹതയുണ്ടെന്ന് സംശയമുണ്ടായിരുന്നു എന്നാല്‍, ഇവര്‍ അപകടത്തില്‍പെട്ട് മരിച്ചതാണെന്ന് ചൊവ്വാഴ്ച നടത്തിയ വിശദമായ പരിശോധനയില്‍ മെഡിക്കല്‍ എക്സാമിനര്‍ വ്യക്തമാക്കി.