'അല്‍ റഹ്മ' ന്യൂന മര്‍ദ്ദം; ഒമാനില്‍ ഇടിയോടു കൂടിയ മഴയ്ക്ക് സാധ്യത

മസ്‌കറ്റ്: ഒമാനില്‍ കാലാവസ്ഥ മുന്നറിയിപ്പ്. ശനിയാഴ്ച മുതല്‍ ഇടിയോടു കൂടിയ മഴയ്ക്ക് സാധ്യതയെന്ന് ഒമാന്‍ സിവില്‍ ഏവിയേഷന്‍ സമിതി മുന്നറിയിപ്പ് നല്‍കി. തിങ്കളാഴ്ച വരെ മഴ തുടരുമെന്നാണ് കാലാവസ്ഥ കേന്ദ്രം നല്‍കുന്ന മുന്നറിയിപ്പ്.

Also Read: LIVE: കൊവിഡ് 19: ലോകത്ത് മരണം 11000 കടന്നു; ഇന്ത്യയില്‍ കൂടുതല്‍ സംസ്ഥാനങ്ങളിലേക്ക് പടരുന്നു

മസ്‌കറ്റ് ഉള്‍പ്പെടെ ഒമാന്റെ വിവിധ ഭാഗങ്ങളില്‍ മഴ പെയ്യുമെന്ന് മുന്നറിയിപ്പുണ്ട്. ശക്തമായ കാറ്റോടും ഇടിമിന്നലോടും കൂടിയായിരിക്കും മഴ പെയ്യാന്‍ സാധ്യത. മുസന്ദം ഗവര്‍ണറേറ്റില്‍ നിന്ന് മഴ ആരംഭിച്ച് ബുറൈമി, തെക്ക്- വടക്കന്‍ ബാത്തിന, ദാഹിറ, ദാഖിലിയ, മസ്‌കത്ത്, തെക്ക്- വടക്കന്‍ ശാര്‍ഖിയ എന്നീ മേഖളകളിലെല്ലാം മഴ ഉണ്ടാകാന്‍ സാധ്യതയുണ്ട്.

മാത്രമല്ല, അല്‍ വുസ്റ്റ, ദോഫര്‍, അല്‍ ദാഖ്‌ലിയാ ഗവര്‍ണറേറ്റുകള്‍ എന്നിവിടങ്ങളില്‍ പൊടിക്കാറ്റിനെ തുടര്‍ന്ന്, പൊടിപടലങ്ങള്‍ ഉയരാന്‍ സാധ്യതയുണ്ട്. മത്സ്യബന്ധന തൊഴിലാളികളോട് ആവശ്യമായ മുന്‍കരുതലുകള്‍ എടുക്കാനം ഒമാന്‍ സിവില്‍ ഏവിയേഷന്‍ അതോറിറ്റി അറിയിപ്പ് നല്‍കിയിട്ടുണ്ട്.