ഇരുപത്തഞ്ചു വർഷം പിന്നിട്ട് 'വേൾഡ് മലയാളി കൗൺസിൽ'

ലോകത്തിന്‍റെ വിവിധ ഭാഗങ്ങളിൽ കഴിയുന്ന മലയാളി സമൂഹത്തിന്‍റെ പൊതു വേദിയായ 'വേൾഡ് മലയാളി കൗൺസിൽ' ഇരുപത്തഞ്ചു വർഷം പിന്നിട്ടു. പുതിയ ഭരണ സമിതിയുടെ ആദ്യ നൂറ് ദിന കർമ്മ പദ്ധതികൾ പൂർത്തിയാക്കുന്നതിന്‍റെ ആഘോഷം ഉദ്ഘാടനം നിര്‍വിച്ച് പ്രശസ്ത ചലച്ചിത്രകാരൻ അടൂർ ഗോപാലകൃഷ്ണൻ. മാറുന്ന ലോകത്തിനൊപ്പം കേരളത്തിലെ പുത്തൻ തലമുറയെ മൂല്യവത്താക്കാനുള്ള ദൗത്യം വേൾഡ് മലയാളി കൗൺസിൽ ഏറ്റെടുക്കണമെന്ന് അദ്ദേഹം അഭിപ്രായപ്പെട്ടു.

പ്രവാസ നാട്ടിൽ ജീവിക്കുമ്പോഴും ജന്മദേശത്തെ സാമൂഹിക ജീവകാരുണ്യ പ്രവർത്തനങ്ങളിൽ സജീവമായി സർക്കാരിനൊപ്പം പ്രവർത്തിക്കുന്ന സംഘടന എന്ന നിലയിൽ, വിദേശത്ത് നിന്ന് നേടുന്ന നൈപുണ്യവും ജീവിത മികവുകളും ജന്മനാട്ടിൽ ഉള്ളവർക്ക് മാതൃകയായി മാറ്റാൻ ശ്രമിക്കണം എന്നും അദ്ദേഹം ആവശ്യപ്പെട്ടു.

വിദേശങ്ങളിലെ അനുഭവ സമ്പത്ത് നാട്ടിലെ നന്മകൾക്കായി ഉപയോഗിക്കാൻ പ്രവാസികൾക്കേ കഴിയൂ.
അതിലൂടെ ഇന്ന് നിലനിൽക്കുന്ന സ്ത്രീധന പീഡനം പോലുള്ള സാംസ്കാരം മാറ്റാനും
വേൾഡ് മലയാളി കൗൺസിൽ പോലുള്ള ആഗോള മലയാളി പ്രസ്ഥാനം മുൻകൈയെടുക്കണം എന്നും അദ്ദേഹം കൂട്ടിച്ചേര്‍ത്തു. ലോകത്തിലെ വിവിധ രാജ്യങ്ങളില്‍ നിന്നുള്ളവര്‍ വെർച്ച്വൽ പ്ലാറ്റ് ഫോമിലൂടെയാണ് ഉദ്ഘാടന യോഗത്തിൽ പങ്കെടുത്തത്. വിവിധ രാജ്യങ്ങളിൽ നിന്നുള്ള കുടുംബാംഗങ്ങളുടെ കലാ പരിപാടികളും അരങ്ങേറി.

ഗ്ലോബൽ ചെയർമാൻ ജോണികുരുവിള ചടങ്ങില്‍ പങ്കെടുത്തു. ഗ്ലോബൽ പ്രസിഡന്റ് ടി.പി.വിജയൻ ചടങ്ങില്‍ അധ്യക്ഷത വഹിച്ചു. ജനറൽ സെക്രട്ടറി പോൾ പാറപ്പള്ളി സ്വാഗതവും ട്രഷറർ ജെയിംസ് കൂടൽ നന്ദിയും പറഞ്ഞു. ടി.പി.വിജയൻ തന്‍റെ ആമുഖ പ്രസംഗത്തിൽ അടുത്ത രണ്ടു വർഷത്തെ
പ്രധാന പദ്ധതികളുടെ രൂപരേഖ അവതരിപ്പിച്ചു.

ഗ്ലോബൽ വൈസ് പ്രസിഡന്റ് മാരായ ബേബി മാത്യു സോമതീരം, സി.യു . മത്തായി, ജോർജ് കുളങ്ങര, എസ്.കെ.ചെറിയാൻ, സ്ഥാപക നേതാവായ ആൻഡ്രൂ പാപ്പച്ചൻ, ഐസക് ജോൺ പട്ടാണിപറമ്പിൽ,
തങ്കമണി ദിവാകരൻ,ഡോ.എ.വി.അനൂപ്, മൂൻ ചെയർമാൻ സോമൻ ബേബി, അഡ്വ.ശിവൻ മഠത്തിൽ, ഡൊ.പ്രതാപചന്ദ്രൻ, പി.എൻ.രവി, തങ്കം അരവിന്ദ്, ചാൾസ് പോൽ, ഇർഫാൻ മാലിക്, ജാനറ്റ് വർഗീസ്,സിസിലി ജേക്കബ്, യൂത്ത് ഫോറം പ്രസിഡന്റ് ഷിബു ഷാജഹാൻ
തുടങ്ങി നിരവധി നേതാക്കൾ ആശംസകൾ നേർന്നു.