ഗള്‍ഫില്‍ രണ്ട് മലയാളികള്‍ കൊവിഡ് ബാധിച്ച് മരിച്ചു

ദുബായ്.. ഗൾഫ് രാജ്യങ്ങളിൽ കൊവിഡ് ബാധിച്ച് മരിക്കുന്നവരുടെ എണ്ണം കൂടുന്നു. ഇന്ന് കൊവിഡ് 19 ബാധിച്ച് രണ്ട് മലയാളികള്‍ മരിച്ചു. കൊല്ലം അർക്കന്നൂർ സ്വദേശി ഷിബു.ഇരിഞ്ഞാലക്കുട പുത്തൻ ചിറ സ്വദേശി വെള്ളൂർ കുമ്പളത്ത് ബിനിൽ എന്നിവരാണ് മരിച്ചത്.

Also Read: കർഫ്യൂ നിയന്ത്രണങ്ങൾ ലഘൂകരിച്ച് സൗദി; ആഭ്യന്തര വിമാന സര്‍വീസുകള്‍ക്കും ജോലിക്ക് ഹാജരാകാനും അനുമതി

ഷിബു അബുദാബിയില്‍ ആയിരുന്നു ജോലി ചെയ്തിരുന്നത്. ബിനിൽ ദുബായില്‍ ആണ് മരിച്ചത്.
ഷിബു കഴിഞ്ഞ രണ്ടാഴ്ചയായി അബുദാബിയിലും ബിനിൽ ഒരാഴ്ചയായി അജ്മാനിലും ചികിത്സയിലായിരുന്നു.
കഴിഞ്ഞ 48 മണിക്കൂറിനിടെ 18 മലയാളികളാണ് ഗൾഫിൽ കൊവിഡ് ബാധിച്ചു മരിച്ചത്. ഇതോടെ ഗൾഫിൽ മരിച്ച മലയാളികളുടെ എണ്ണം 119 ആയി.


ഇന്നലെ 7 മലയാളികളാണ് കൊവിഡ് ബാധിച്ച് ഗള്‍ഫില്‍ മരിച്ചത്. ഇതില്‍ അഞ്ച് മരണങ്ങളും റിപ്പോര്‍ട്ട് ചെയ്തത് സൗദിയില്‍ നിന്നാണ്. ഗൾഫ് രാജ്യങ്ങളിൽ കുവൈത്തിലാണ് കൂടുതൽ ഇന്ത്യക്കാർക്ക് രോഗബാധയെന്നാണ് റിപ്പോര്‍ട്ട്.