ദുബായ്: രണ്ടു മലയാളികൾ വാഹനാപകടത്തിൽ മരിച്ചു

ദുബായ്: മർമൂം അൽ ലിസൈലിയിൽ ബുധനാഴ്ച രാത്രിയുണ്ടായ വാഹനാപകടത്തിൽ രണ്ടു മലയാളികൾ മരിച്ചു. മലപ്പുറം വളവന്നൂർ സ്വദേശി അബ്ദുൽ മജീദ്‌(41), വളാഞ്ചേരി സ്വദേശി ഷംസുദ്ദീൻ(42) എന്നിവരാണ് മരിച്ചത്.

ജോലി കഴിഞ്ഞ് രാത്രി നടക്കാനിറങ്ങിയ ഇവരെ അമിത വേഗത്തിലെത്തിയ വാഹനം ഇടിക്കുകയായിരുന്നു. ഇടിയുടെ ആഘാതത്തിൽ തെറിച്ചുവീണ ഇരുവരും സംഭവ സ്ഥലത്ത് തന്നെ മരിച്ചു.

അൽ ലിസൈലിയിലെ ഒരു കുതിര വളർത്തു കേന്ദ്രത്തിലെ ജീവനക്കാരാണ് ഇരുവരും.

Two Malayalis dies in an accident at Dubai.