രണ്ട് വയസുകാരൻ സ്വിമ്മിങ് പൂളിൽ മുങ്ങിമരിച്ചു

അൽ ഐൻ: രണ്ടുവയസുകാരൻ അൽഐനിലെ ജബൽ ഹത്തീഫിൽ സ്വിമ്മിങ് പൂളിൽ മുങ്ങിമരിച്ചു. ബന്ധുക്കളുടെ വില്ലയിലെ സ്വിമ്മിങ് പൂളിലാണ് കുട്ടി മുങ്ങിമരിച്ചത്. കൂടുതൽ വിവരങ്ങൾ പോലീസ് പുറത്തുവിട്ടിട്ടില്ല. അതേസമയം വേനൽക്കാലത്ത് നീന്തൽ കുളം ഉപയോഗിക്കുന്നവർക്കുള്ള നിർദ്ദേശം അബുദാബി പോലീസ് പുറപ്പെടുവിച്ചു.

നിർദ്ദേശങ്ങൾ ഇങ്ങനെ

• കുട്ടികൾ വീഴാത്തവിധം നീന്തൽ കുളത്തിന് ചുറ്റും വേലി നിർമ്മിക്കുക
• നീന്തൽ കുളത്തിനു ചുറ്റും വഴുതി വീഴാത്തവിധമുള്ള പ്രതലം ആയിരിക്കണം
• സ്വിമ്മിങ് പൂളിന്റെ വാതിൽ ഉപയോഗിക്കാത്തപ്പോൾ പൂട്ടിയിടുക
• കുട്ടികൾ നീന്തൽ കുളത്തിന് സമീപത്തുള്ളപ്പോൾ മുതിർന്നവർ നിരീക്ഷിക്കുക
• നീന്തൽ കുളത്തിൽ കളിപ്പാട്ടം, ട്യൂബ് എന്നിവ ഉപയോഗത്തിലില്ലാത്തപ്പോൾ സൂക്ഷിക്കാതിരിക്കുക