യുഎഇ ഇൻഡിഗോ വിമാനങ്ങൾ ഓഗസ്റ്റ് 24 വരെ നിരോധിച്ചു

ദുബായ്∙ ഓഗസ്റ്റ് 24 വരെ യുഎഇയിലേക്ക് ഇൻഡിഗോ വിമാനങ്ങൾ സർവീസ് നടത്തില്ല. വിമാനത്താവളത്തിൽ കൊവിഡ് പരിശോധന നടത്താതെ യാത്രക്കാരെ കൊണ്ടുപോയതിനെ തുടർന്ന് വിലക്ക് ഏര്‍പ്പെടുത്തിയിരിക്കുന്നത്. ചൊവ്വാഴ്ച മുതലാണ് വിലക്ക് ഏര്‍പ്പെടുത്തിയിരിക്കുന്നത്. ഓഗസ്റ്റ് 24 വരെ വിലക്ക് തുടരും.

യാത്രക്കാർ പുറപ്പെടുന്നതിന് 48 മണിക്കൂർ മുമ്പ് യാത്രക്കാര്‍ ആർടി-പിസിആർ ടെസ്റ്റ് നടത്തണം. കൂടാതെ വിമാനം പുറപ്പെടുന്നതിന് ഏതാവും മണിക്കൂര്‍ മുമ്പ് മറ്റൊരു ദ്രുത-പിസിആർ പരിശോധനയും നടത്തണം. ഓഗസ്റ്റ് 5 മുതൽ ആണ് ഈ നിബന്ധന നിലവില്‍ വന്നത്. യാത്രക്കായി യുഎഇ അധികൃതരുടെ അനുമതി കത്തും ആവശ്യമാണ്.

Also Read: ബഹ്‌റൈന്‍ എല്‍എന്‍ജിയുടെ പേരില്‍ വ്യാജ ഇമെയില്‍; ജാഗ്രത പാലിക്കാന്‍ നിര്‍ദ്ദേശം

അതേസമയം, ഇന്ത്യയുൾപ്പെടെ 6 രാജ്യങ്ങളിൽ നിന്നു നേരിട്ടുള്ള വിമാന സർവീസ് പുനരാരംഭിക്കാൻ കുവൈറ്റ് തീരുമാനിച്ചു. ഇന്നലെ ചേര്‍ന്ന മന്ത്രിസഭാ യോഗത്തില്‍ ആണ് തീരുമാനം എത്തിയത്. നേപ്പാൾ, പാക്കിസ്ഥാൻ, ഈജിപ്ത്, , ബംഗ്ലദേശ്, ശ്രീലങ്ക എന്നിവിടങ്ങളിലേക്കാണ് വിമാന സര്‍വീസ് കുവൈറ്റ് പുനരാരംഭിച്ചിരിക്കുന്നത്.