ദുബായ്: കൊവിഡ് രോഗമുക്തിയ്ക്കും ചികിത്സയ്ക്കും വേണ്ടി വിവിധ ഓണ്‍ലൈന്‍ ചാനലുകളില്‍ പ്രചരിക്കുന്ന വ്യാജ വാര്‍ത്തകളിലും ശുപാര്‍ശകളിലും ജനങ്ങള്‍ വീഴരുതെന്ന് മുന്നറിയിപ്പ് നല്‍കി യുഎഇ ആരോഗ്യ മന്ത്രാലയം. കൊവിഡ് ലക്ഷണങ്ങള്‍ വികസിപ്പിക്കുന്നവര്‍ക്ക് ചികിത്സാ രീതി സ്വീകരിക്കുന്നതിനെ കുറിച്ച് സമൂഹ മാധ്യമങ്ങളില്‍ പ്രചരിക്കുന്ന അഭ്യൂഹങ്ങള്‍ ആരോഗ്യ പ്രതിരോധ മന്ത്രാലയം (എംഒഎച്ച്എപി) നിഷേധിച്ചു.
കൊവിഡ് രോഗലക്ഷണങ്ങളുള്ള ആളുകള്‍ ആരോഗ്യ അധികൃതരുമായി ബന്ധപ്പെടുകയും അഭ്യൂഹങ്ങള്‍ അവഗണിക്കുകയും ചെയ്യണമെന്ന് എംഒഎച്ച്എപി അഭ്യര്‍ഥിച്ചു. മന്ത്രാലയത്തിന്റെ ഔദ്യോഗിക വെബ്‌സൈറ്റില്‍ നിന്നും സോഷ്യല്‍ മീഡിയയിലെ അക്കൗണ്ടുകളില്‍ നിന്നും കൃത്യമായ വിവരങ്ങള്‍ തെരഞ്ഞെടുക്കണമെന്ന് ജനങ്ങളോട് എംഒഎച്ച്എപി പറഞ്ഞു.
കൊവിഡ് രോഗലക്ഷണങ്ങള്‍ പ്രകടമായാല്‍ അധികൃതരെ അറിയിക്കുന്നതിന് പകരം ചില വൈറ്റമിനുകളും മറ്റും നിശ്ചിത ദിവസങ്ങളില്‍ കഴിച്ചാല്‍ മതിയെന്നും രോഗം ഭേദമായി കൊള്ളുമെന്നുമൊക്കെയുള്ള തരത്തിലാണ് സോഷ്യല്‍ മീഡിയയില്‍ വ്യാജ സന്ദേശങ്ങള്‍ വ്യാപകമായി പ്രചരിക്കുന്നത്.
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.
