ആശ്വാസത്തിന്റെ കണക്കുകളുമായി യുഎഇ: 2000 കടന്ന് രോഗമുക്തി, 1359 പുതിയ രോഗികള്‍

അബുദാബി: യുഎഇയില്‍ ആശ്വാസ വാര്‍ത്ത. കഴിഞ്ഞ 24 മണിക്കൂറിനിടെ യുഎഇയിൽ ഇന്ന് രണ്ടായിരത്തിൽ അധികം ആളുകള്‍ക്ക് കൊവിഡ് രോഗമുക്തി റിപ്പോര്‍ട്ട് ചെയ്തു. ഇതാദ്യമായാണ് ഇത്രയധികം ആളുകള്‍ക്ക് രോഗം ഭേദമാകുന്നത്.

Also Read : 'കെ.ആര്‍. മീര എന്തൊക്കെ നോവല്‍ എഴുതണമെന്ന് വിനുവിനും പറയാം, അതാണല്ലോ തുല്യനീതി'; ശ്രീജിത് പണിക്കര്‍

ഇന്ന് പുതിയതായി 1,359 പേര്‍ക്ക് രോഗബാധ റിപ്പോര്‍ട്ട് ചെയ്തപ്പോള്‍ രണ്ട് മരണങ്ങളും ഈ സമയത്തിനുള്ളിലുണ്ടായി. ഇതോടെ രാജ്യത്ത് രോഗബാധ റിപ്പോര്‍ട്ട് ചെയ്തവരുടെ എണ്ണം 1,25,123 ആയി ഉയര്‍ന്നു.

2,037 പേര്‍ക്കാണ് രോഗം ഭേദമായി ആശുപത്രി വിട്ടത്. ഇതോടെ രോഗം ഭേദമായവരുടെ എണ്ണം 1,18,931 ആയി ഉയര്‍ന്നു. രാജ്യത്തെ മരണസംഖ്യ 477 ല്‍ എത്തി. നിലവിൽ 5,715 പേരാണ് ചികിത്സയിലുള്ളത്.

രോഗബാധ വീണ്ടും ഉയർന്നതിന്റെ പശ്ചാത്തലത്തിൽ രാജ്യത്തെ സാമ്പിള്‍ പരിശോധനയും വര്‍ദ്ധിപ്പിച്ചിട്ടുണ്ട്. ഇന്ന് 1,18,058 പുതിയ കൊവിഡ് കേസുകളാണ് റിപ്പോര്‍ട്ട് ചെയ്തിട്ടുള്ളത്. ഇതോടെ രാജ്യത്തെ രോഗബാധിതരുടെ എണ്ണം 12.4 ദശലക്ഷമായി ഉയര്‍ന്നിട്ടുണ്ട്.

Also Read : പ്രാദേശിക സമ്പദ് ഘടനയെ പിടിച്ചു നിര്‍ത്തുന്നതിന് 500 ദശലക്ഷം ദിര്‍ഹത്തിന്റെ സഹായവുമായി ദുബായ്

കൊവിഡ് പ്രതിസന്ധിയെ തുടര്‍ന്ന് തകര്‍ന്ന സാമ്പത്തിക രംഗത്തെ ഉത്തേജിപ്പിക്കുന്നതിന് ഭരണകൂടം 136 ദശലക്ഷം ഡോളറിന്റെ (500 ദിര്‍ഹം) ഉത്തേജക പാക്കേജ് പ്രഖ്യാപിച്ചു. ഇതോടെ ഈ വർഷം പ്രഖ്യാപിച്ച മൊത്തം ഉത്തേജക പാക്കേജ് 6.8 ബില്ല്യൺ ദിർഹമായി. ദുബായ് കിരീടാവകാശിയും ദുബായ് എക്സിക്യൂട്ടീവ് കൗൺസിൽ ചെയർമാനുമായ ഷെയ്ഖ് ഹംദാൻ ബിൻ മുഹമ്മദ് ബിൻ റാഷിദ് അൽ മക്തൂമാണ് അധിക പാക്കേജ് പ്രഖ്യാപിച്ചത്.