Video-കേരളത്തില്‍ ഇന്ന് 85 പേര്‍ക്ക് കോവിഡ് 19 സ്ഥിരീകരിച്ചു
40,000 ത്തിലധികം കൊവിഡ് പരിശോധനകള്‍
40,000 ത്തിലധികം കൊവിഡ് പരിശോധനകളാണ് നടത്തിയതെന്ന് യുഎഇ ആരോഗ്യമന്ത്രാലയം അറിയിച്ചു. രാജ്യത്ത് സജീവമായ കൊവിഡ് കേസുകളുടെ എണ്ണം 14,941 ആയി കുറഞ്ഞു. മാര്‍ച്ച് 27 മുതല്‍ ഇതാദ്യമായി 15,000 ത്തിന് താഴെ കൊവിഡ് കേസുകള്‍ വരുന്നത്.
രോഗമുക്തി നേടുന്ന രോഗികള്‍ ഉയരുന്നു
യുഎഇയില്‍ രോഗമുക്തി നേടിയവരുടെ എണ്ണം ഉയരുന്നത് ആശ്വാസകരമാണ്. ആഗോളതലത്തില്‍ രോഗമുക്തി നേടുന്നത് 64 ശതമാനവും യുഎഇയില്‍ 46 ശതമാനവുമാണ്. മരിച്ചവരുടെ കുടുംബങ്ങള്‍ക്ക് മന്ത്രാലയം അനുശോചനം രേഖപ്പെടുത്തി.
കൊവിഡ് പരിശോധനകള്‍ കൂട്ടും
യുഎഇയില്‍ കൊവിഡ് രോഗികളെ ആദ്യമേ തന്നെ കണ്ടെത്തി വേണ്ടത്ര ചികിത്സകള്‍ നല്‍കിയതിനെ തുടര്‍ന്ന് രാജ്യമെമ്പാടും കൊവിഡ് പരിശോധനകള്‍ ഉയര്‍ത്താന്‍ തീരുമാനിച്ചിരിക്കുകയാണ് യുഎഇ. കഴിഞ്ഞ ഏതാനും ആഴ്ചകളായി നിയന്ത്രണങ്ങള്‍ ലഘൂകരിച്ചപ്പോള്‍ രാജ്യത്ത് ബിസിനസ്സുകളും ഓഫീസുകളും തുറന്നു. എന്നാല്‍, കൊവിഡ്-19 വ്യാപനം തടയാനുള്ള എല്ലാവിധ നടപടിക്രമങ്ങളും ഗവണ്‍മെന്റ് കൈക്കൊള്ളുന്നുണ്ട്.
ദുബായില്‍ ഒരു മലയാളി കൂടി കൊവിഡ് ബാധിച്ച് മരിച്ചു
ദുബായില്‍ ഒരു മലയാളി കൂടി കൊവിഡ് ബാധിച്ചു മരിച്ചു. കോഴിക്കോട് നടുവണ്ണൂര്‍ മന്ദങ്കാവ് സ്വദേശി രാമചന്ദ്രനാണ് (63) മരിച്ചത്. കൊവിഡ് ബാധിച്ച് രണ്ടാഴ്ചയായി ദുബായ് അല്‍ നഹ്ദയിലെ ആശുപത്രിയില്‍ ചികിത്സയിലായിരുന്നു. ഇതോടെ യുഎഇയില്‍ മരിച്ച മലയാളികളുടെ എണ്ണം 96 ആയി. 219 മലയാളികളാണ് ഗള്‍ഫില്‍ ഇതുവരെ കൊവിഡ് ബാധിച്ച് മരിച്ചത്.