സൗദിയില്‍ പ്രവാസികള്‍ക്ക് വീണ്ടും കുരുക്ക്

റിയാദ്: സൗദിയില്‍ വിദേശികളുടെ വര്‍ക്ക് പെര്‍മിറ്റ് എടുക്കുന്നതിനും പുതുക്കുന്നതിനും താമസ കെട്ടിടത്തിന്റെ വാടകരേഖ നിര്‍ബന്ധമാക്കിക്കൊണ്ടുള്ള പുതിയ പദ്ധതിക്ക് സൗദി മന്ത്രിസഭ അംഗീകാരം നല്‍കി.

റിയാദിലെ അല്‍യമാമ കൊട്ടാരത്തില്‍ തിങ്കളാഴ്ച ചേര്‍ന്ന മന്ത്രിസഭാ യോഗമാണ് പുതിയ പരിഷ്കാരത്തിന് പച്ചക്കൊടി കാട്ടിയത്. ഇതോടെ രാജ്യത്ത് തൊഴിലിലേര്‍പ്പെട്ട ഓരോ വ്യക്തിയും വാടക കരാര്‍ ഉണ്ടാക്കേണ്ടി വരും. പദ്ധതിയുടെ സുഗമമായ നടത്തിപ്പിന് ഭവന, തൊഴില്‍ മന്ത്രാലയങ്ങള്‍ തമ്മില്‍ രേഖകള്‍ ബന്ധിപ്പിക്കുന്നതിന് 'ഈജാര്‍' (വാടക) എന്ന ഇലക്‌ട്രോണിക് സംവിധാനവും ഇതിനായി ആരംഭിച്ചിട്ടുണ്ട്.

ഈജാര്‍ സംവിധാനത്തില്‍ രജിസ്റ്റര്‍ ചെയ്തതിന് ശേഷമായിരിക്കണം വാടക കരാറുകള്‍ ഉണ്ടാക്കേണ്ടത്. അല്ലാത്തവ അസാധുവായി കണക്കാക്കപ്പെടും. വിദേശികളായ ഓരോ വ്യക്തിക്കും രജിസ്ട്രേഷന്‍ നിര്‍ബന്ധമായിത്തീരും. വിദേശികളുടെ തൊഴില്‍ (പ്രൊഫഷന്‍) കൂടി ഉള്‍പ്പെടുത്തിയാണ് രജിസ്റ്റര്‍ ചെയ്യേണ്ടത്.



English summary: The Council of Ministers on Monday instructed the Ministry of Labor and Social Development to make electronic Ijar system mandatory for the issuance and renewal of work permits for non-Saudis