യെമൻ: ഹൂതി വിമതർ ബന്ദികളാക്കിയ മൂന്ന് മലയാളികളെ മോചിപ്പിച്ചു. കോട്ടയം സ്വദേശി ശ്രീജിത്, ആലപ്പുഴ സ്വദേശി അഖിൽ, കോഴിക്കോട് സ്വദേശി ദിപാഷ് എന്നിവരെയാണ് ഹൂതികൾ മോചിപ്പിച്ചത്. ഇത് സംബന്ധിച്ച അറിയിപ്പ് വീട്ടുകാർക്ക് ലഭിച്ചു. ഇവർ ഉടൻ തന്നെ ഇന്ത്യയിലെത്തുമെന്നാണ് റിപ്പോർട്ടുകൾ.
കഴിഞ്ഞ നാല് മാസമായി മൂന്ന് പേരും യെമനിലെ ഹൂതി വിമതരുടെ കസ്റ്റഡിയിലായിരുന്നു. ഇവർ ജോലി ചെയ്തിരുന്ന യുഎഇ കമ്പനിയുടെ ചരക്കു കപ്പൽ കഴിഞ്ഞ ജനുവരിയിൽ ഹൂതി വിമതർ തട്ടിയെടുക്കുകയായിരുന്നു. ഇവരടക്കം മൊത്തം 11 ഇന്ത്യക്കാരാണ് കപ്പലില്‍ ജോലിക്കാരായിയുണ്ടായിരുന്നത്.
ചരക്ക് കപ്പൽ അൽഹുദയിൽ നിന്നാണ് ഹൂതി വിമതർ തട്ടിയെടുത്തത്. നയതന്ത്ര തലത്തിൽ ഇവരുടെ മോചനത്തിനായുള്ള ശ്രമങ്ങൾ തുടരുന്നതിനിടെയാണ് മൂന്ന് പേരെയും വിട്ടയച്ചത്. കേരളത്തിലുള്ള ബന്ധുക്കളുമായി വിട്ടയക്കപ്പെട്ട മലയാളികൾ സംസാരിച്ചു. കപ്പലിൽ ഉള്ള മറ്റുള്ളവരുടെ വിവരങ്ങൾ പുറത്തുവന്നിട്ടില്ല.
കഴിഞ്ഞ നാല് മാസമായി മൂന്ന് പേരും യെമനിലെ ഹൂതി വിമതരുടെ കസ്റ്റഡിയിലായിരുന്നു. ഇവർ ജോലി ചെയ്തിരുന്ന യുഎഇ കമ്പനിയുടെ ചരക്കു കപ്പൽ കഴിഞ്ഞ ജനുവരിയിൽ ഹൂതി വിമതർ തട്ടിയെടുക്കുകയായിരുന്നു. ഇവരടക്കം മൊത്തം 11 ഇന്ത്യക്കാരാണ് കപ്പലില്‍ ജോലിക്കാരായിയുണ്ടായിരുന്നത്.
ചരക്ക് കപ്പൽ അൽഹുദയിൽ നിന്നാണ് ഹൂതി വിമതർ തട്ടിയെടുത്തത്. നയതന്ത്ര തലത്തിൽ ഇവരുടെ മോചനത്തിനായുള്ള ശ്രമങ്ങൾ തുടരുന്നതിനിടെയാണ് മൂന്ന് പേരെയും വിട്ടയച്ചത്. കേരളത്തിലുള്ള ബന്ധുക്കളുമായി വിട്ടയക്കപ്പെട്ട മലയാളികൾ സംസാരിച്ചു. കപ്പലിൽ ഉള്ള മറ്റുള്ളവരുടെ വിവരങ്ങൾ പുറത്തുവന്നിട്ടില്ല.