ഹജ്ജ്; എയർ ഇന്ത്യാ വിമാനത്തിൽ സംസം വെള്ളം കൊണ്ടുവരുന്നതിൽ വിലക്ക്

ജിദ്ദ: എയർ ഇന്ത്യയുടെ വലുപ്പക്കുറവുള്ള വിമാനങ്ങളിൽ സംസം വെള്ളം കൊണ്ടുപോകുന്നതിൽ വിലക്ക്. വിമാനത്തിന്റെ സുരക്ഷ ഉറപ്പാക്കുന്നതിനാണ് നടപടിയെന്ന് എയർ ഇന്ത്യാ അധികൃതർ വ്യക്തമാക്കി.

സെപ്തംബർ 15 വരെയാണ് വിലക്കുള്ളത്. ജുലൈ നാലിനാണ് എയർ ഇന്ത്യ നിർദ്ദേശം പുറപ്പെടുവിച്ചിരിക്കുന്നത്. അവസാന നിമിഷത്തെ ബുദ്ധിമുട്ട് ഒഴിവാക്കാൻ ഹജ്ജ് യാത്രാക്കാരുമായി ഈ വിവരം പങ്കുവെയ്ക്കണമെന്ന് എയർ ഇന്ത്യ അഭ്യർത്ഥിച്ചു.

അതേസമയം വലിയ വിമാനങ്ങളിൽ സംസം വെള്ളം കൊണ്ടുപോകുന്നതിൽ വിലക്കില്ലെന്നും എയർ ഇന്ത്യാ അധികൃതർ പറഞ്ഞു. ജിദ്ദ, ഹൈദരാബാദ്, മുംബൈ എന്നിവിടങ്ങളിലേക്കുള്ള AI966 വിമാനത്തിലും ജിദ്ദയിൽനിന്നും കൊച്ചിയിലേക്കുള്ള AI964 വിമാനത്തിലുമാണ് വിലക്ക് ഏർപ്പെടുത്തിയിരിക്കുന്നത്.