ഡല്‍ഹിയില്‍ നിര്‍ണ്ണായക യോഗം ചേര്‍ന്ന് പ്രതിപക്ഷപാര്‍ട്ടികള്‍

ഡല്‍ഹി: 5 സംസ്ഥാനങ്ങളിലെ നിയമസഭാ തിരഞ്ഞെടുപ്പ് ഫലം പുറത്തുവരാന്‍ മണിക്കൂറുകള്‍ ബാക്കി നില്‍ക്കെ ഡല്‍ഹിയില്‍ നിര്‍ണ്ണായക യോഗവുമായി പ്രതിപക്ഷ പാര്‍ട്ടികള്‍. പാര്‍ലമെന്റിന്റെ ശൈത്യകാല സമ്മേളനം തുടങ്ങുന്നതിനു തൊട്ടു മുന്‍പാണ് ഈ യോഗം ചേര്‍ന്നിരിക്കുന്നതെന്നാണ് ശ്രദ്ധേയം.

എക്സിറ്റ് പോള്‍ ഫലങ്ങള്‍ ബിജെപിക്ക് എതിരായി വന്നിരിക്കുന്ന സാഹചര്യത്തിൽ 20 പ്രതിപക്ഷ പാര്‍ട്ടികളുടെ നേതാക്കളാണ് ഡല്‍ഹിയില്‍ നിര്‍ണായക യോഗത്തിനായെത്തിയിരിക്കുന്നത്. സമാജ് വാദി പാര്‍ട്ടി,ബി.എസ്.പി പാര്‍ട്ടികളുടെ നേതാക്കള്‍ മാത്രമാണ് യോഗത്തിനെത്തിചേരാത്തത്.

വരുന്ന ലോക്‌സഭാ തിരഞ്ഞെടുപ്പ് ലക്ഷ്യമിട്ട് പാര്‍ലമെന്‍റിനകത്തും പുറത്തുമായി അനിഷേധ്യമായ പ്രതിപക്ഷ ഐക്യം ഊട്ടിഉറപ്പിക്കാൻ ലക്ഷ്യമിട്ടാണ് യോഗമെന്നാണ് സൂചന. ഇന്ന് മുതൽ ജനുവരി എട്ടുവരെയാണ് പാര്‍ലമെന്‍റിന്‍റെ ശൈത്യകാല സമ്മേളനം നടക്കുന്നത്.