വാഷിങ്ടണ്: ഇറാഖിലെ യുഎസ് വ്യോമത്താവളങ്ങളില് ഇറാന് മിസൈല് ആക്രമണത്തില് കൂടുതല് അമേരിക്കന് സൈനികര് പരിക്കേറ്റതായി വെളിപ്പെടുത്തല്. 109 സൈനികര്ക്ക് തലച്ചോറിന് ഗുരുതരമായി ക്ഷതമേറ്റതായാണ് പുതിയ റിപ്പോര്ട്ട്.
Also Read: കൊറോണ ദുരന്തം: ചൈന ഉന്നത ഉദ്യോഗസ്ഥരെ പുറത്താക്കി; മാസ്ക് ധരിച്ച് ഷി ജിന്പിങ്
ജനുവരിയില് നടന്ന ആക്രമണത്തില് പരിക്കേറ്റ 109 സൈനികര് ഗുരതരാവസ്ഥയിലാണെന്നാണ് തിങ്കളാഴ്ച പെന്റഗണ് സ്ഥിരീകരിച്ചത്. ജനുവരി മൂന്നിന് ബാഗ്ദാദില് യുഎസ് ഡ്രോണ് ആക്രമണത്തില് ഇറാന് റവല്യൂഷണറി ഗാര്ഡ്സ് കമാന്ഡര് ഖാസിം സുലൈമാനി വധിക്കപ്പെട്ടതിന് പ്രതികാരമായാണ് ഇറാന് ആക്രമണം നടത്തിയത്.
ജനുവരി എട്ടിനാണ് ഇറാഖിലെ രണ്ട് യുഎസ് വ്യോമത്താവളങ്ങള്ക്ക് നേരെ മിസൈല് ആക്രമണമുണ്ടായത്. ആക്രമണത്തില് 80 യുഎസ് സൈനികര് കൊല്ലപ്പെട്ടതായാണ് ഇറാന് ആദ്യം അവകാശപ്പെട്ടത്. എന്നാല് ആരും കൊല്ലപ്പെട്ടിട്ടില്ലെന്നും ആര്ക്കും പരിക്കേറ്റിട്ടില്ലെന്നും യുഎസ് പ്രസിഡന്റ് ഡോണള്ഡ് ട്രംപും പെന്റഗണും വ്യക്തമാക്കി. ദിവസങ്ങള്ക്ക് ശേഷമാണ് ഏതാനും സൈനികര്ക്ക് നിസാര പരിക്കേറ്റതായി യുഎസ് വെളിപ്പെടുത്തിയത്. കുവൈറ്റിലും ജര്മനിയിലും ചികിത്സയിലുള്ള ഇവരുടെ നില ഗുരുതരമല്ലെന്നും വൈകാതെ തിരിച്ചെത്തുമെന്നുമായിരുന്നു യുഎസ് അറിയിച്ചത്.
Also Read: 65 പേര്ക്ക് കൂടി കൊറോണ; ഓസ്കറും സിനിമകളും ആസ്വദിച്ച് ഡയമണ്ട് പ്രിന്സസിലെ യാത്രക്കാര്
109 സൈനികര്ക്ക് ഗുരുതമായി പരിക്കേറ്റെന്ന വിവരം പുറത്തുവരുമ്പോള് ട്രംപ് ഭരണകൂടത്തിന്റെ സുതാര്യതയാണ് ചോദ്യം ചെയ്യപ്പെടുന്നത്. സുലൈമാനയുടെ വധത്തിന് പിന്നാലെ ഇറാനെ നിരന്തരം പ്രകോപിപ്പിച്ച ട്രംപിന്റെ നടപടികള് യുഎസില് തന്നെ വിമര്ശനം നേരിട്ടിരുന്നു.
109 സൈനികര്ക്ക് പരിക്കേറ്റതായി പെന്റഗണ് സ്ഥിരീകരിച്ച വാര്ത്ത ആദ്യം റിപ്പോര്ട്ട് ചെയ്തത് റോയിട്ടേഴ്സാണ്. ഇതില് 86 പേര് പരിക്ക് ഭേദമായി ജോലിയില് തിരികെ പ്രവേശിച്ചതായാണ് പെന്റഗണ് പ്രസ്താവനയില് പറയുന്നത്.